Gibun-og sa kapuyo
Dear Atty. Divine,
Aduna koy pangutana labot sa akong kapuyo. Nag live in mi sud na sa lima ka tuig ug aduna mi usa ka anak. Ang akong live in partner abusive kaayo ilabi na kun siya mahubog . Makadaghan nako niya gibun-og apan wa ko maka pa medical. Dugay ra ko nga gustong makigbuwag kaniya apan iya kung hulgaon nga adunay dautang mahitabo kanako kun ako siyang buwagan. Apan di na gyud nako ma-agwanta ang iyang batasan. Unsay angayan nako nga buhaton aron di na siya makaduol nako? Daghang salamat.
Fely
* * *
Dear Fely,
Aron mahunong na kanang iyang pagpangabuso kanimo, mamahimo kang mopasaka og kasong kalapasan sa Republic Act 9262 kon Anti-Violence against Women and their Children batok sa imong live-in partner tungod sa physical og psychological violence nga iyang gibuhat nganha nimo. Ang maong kaso usa ka criminal case busa mamahimo siyang mabilanggo kun siya mapamatud--an niini. Mamahimo sab ka nga mo-apply og Barangay Protection Order kon BPO sa inyong barangay aron di na siya makaduol nimo. Ang BPO good for 15 days lang kana, busa after sa BPO modangop ka sa korte aron sa pagpangayo og Temporary Protection Order o Permanent Protection Order. Kun makakuha ka niini, dili na mamahimo nga makaduol pa kanimo ang imong kanhi live-in partner samtang on going ang inyong kaso ilabi na kon mapamatud- an siyang sad- an niini. Thank you and God bless. -- Atty. Divine
* * *
Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
