National budget sa 2025 makabuwisit

Wala ikahimuot sa katawhan ang dakong anomaliya sa naaprobahan nang 2025 Annual National Budget human nabulgar ang hokus-pokus nga sekretong pamaagi sa Quadcom unsaon pagkorap ang binilyong salapi sa kaban sa nasud, diin may pipila ka kongresista ug senador ang wala mopirma kay dunay mga porsiyong giblangko nga angay unta butangan daan og tukmang kantidad.

Lakip ang suma total, walay nakatatak numero. Unsa man ning matanga sa kawat? Harapharapan?

Nakasaway kaayo si kanhi Presidente Rodrigo Roa Duterte (PRRD) niining hitaboa. Busa, wala makapugong pagpalanog sa iyang nagising pagbati isip usa usab ka ordinariyong citizen, kinsa sama ra’g gikawatag salapi sa atubang niining mga gutom buayang walay busganan ubos sa administrasiyon Marcos.

Matud pa ni Tatay Digong: “It’s not only inaccurate. The BUDGET is in totality invalid. Hindi puwede mag-blangkoblangko diyan sa pera ng tao! Para kang binigyan ng blankong tseke diyan. Oh, sige, bahala na kayo sa ilagay ninyo.” Napahungaw kini ni PRRD pinagi sa usa ka LIVE NOW: Basta Dabawenyo Podcast nga programa, diin nakig-uban niya ang mga tadhan ug ligdong abogado: Atty. Vic Rodriguez, Atty. Martin Delgra III, ang Host, Harvey Lanticse ug si 3rd District Davao City Congressman Isidro Ungab aron pagtuki ning kuwestiyonableng 2025 National budget nga ingon sa wala na magkadimao.

Gihikyad ni Kong. Ungab ang iyang dalang dokumentong mipakita sa mga porsiyong gituyo sa pagblangko ug mipagawas sa iyang panahom-baroganan: “Actually, the budget is highly questionable.

Kung ako ang tatanungin, ay dapat iakyat na yan sa Supreme Court. Kasi, napirmahan na ni presidente. I have been a chairman on the committee of Appropriations from 2013-2016, and I was also the chairman on committee of Appropriations in 2019. This is the first time that I saw a bicameral conference report, na may mga blangko. Na-shock nga ako.”

Impeachable kining maong kaso nga makabuwisit kanilang namirma lakip na sa presidenting huyang, kinsa maoy pinaleng mipirma. Kay kon mamatud-ang sad-an, sila maharos og ka-impeach.

Unta, idayon nila ang pagsang-at niining kasoha ngadto sa patas-kinatas-ang hukmanan. Aron makaginhawa ang nagkapusngapusnga nang Pilipinas nga 2022 pang gisigehag lumos-duot ning kinakakorapang gobiyerno sa kasaysayan. Buwahan, kahayag nay mohari human mahinginli ang kangitngit.