Labyogan sa nato ang California sa Estados Unidos diin literal nga nahimong impiyerno ang Los Angeles dihang gilamoy sa sunog ang mga pinoy-anan sa mga inila ug bahandianon nga mga tawo ug ang tanan naabo, wala silay nakuha sa mahalon nila nga mga kabtangan.
Aduna man gyuy mga pagpasabot ang uban sa hinungdan sa sunog nga mao ni mao na. Pero dili matugkad nato nganong ingon niato ka grabe ka dali gilamoy sa kalayo ang ilang mga kabtangan nga hilabihan ka lig-on ug dagko pa gyud kaayo, kong atong itandi sa mga building sa Pilipinas pulos mga hotel ka dagko.
Sa ka advance sa gamit nila pagpawong sa kayo wala gyud magsilbe sa paghupay sa kasuko sa gahum nga nagpaluyo sa nahitabo sa dapit niadtong panahona. Sa kaluag sa ilang karsada nga sayon ra agianan sa mga firetrucks naa pa gyuy air assets nga mitabang sa pagpawong sa sunog pero wala gyud silay nahimo.
Usa ka balay ang wala maunsa nva na-feature sa news didto sa America, gi highlight sa reporter nga adunay imahen ni Hesus ug sa Berhin Maria sa atubangan niini ug giingon nga gipanalipdan ang iyang pinoy-anan gikan sa katalagman.
Makapanglimbawot sa balahibo ang nahitabo didto nga matud pa hulabihan ka kusog sa hangin ang murag naghuyop sa kalayo nga mangisog pa aron dauban ang mga estraktura nga iyang maagian ug tuod man gitilapan sila sa sunog ug wala gyud silay nahimo.
Sa wala pa mahitabo ang katalagman, gipahigayon sa dapit ang dakong panagtapok sa mga bitoon sa usa ka awards night diin ang ilang babayeng host ang mibungat og mga pulong nga pagbugalbugal sa atong Magbubuhat dungan sa pag-ingon nga wala silay Ginoo didtong dapita ug ang nanambong nangatawa pa.
Ang atong Ginoo, Siya ang Hari sa kaluoy ug dili madinumtanon apan isip Amahan duna usab Siyay himoon nga pagpukaw sa mga anak nga nagpabadlong ug wala na moila Kaniya.
Ang nahitabo sa Los Angeles wala pa na sa kumingking sa nahasulat sa Balaang Kasulatan nga moabot gyud ang panahon sa paghukom ug ingon niini ang mahitabo ug ang panahon niabot na kong diin Siya mobalik sa Iyang pagpanudya sa mga makasasala.
Subo palandungon nga wala na moila ang ubang mga nilalang sa Ginoo kinsa misimba sa ilang kabantog ug sa ang bahandi, gani sa Brazil literal ang uban miabin sa pikas habig. Tungod niini gipatilaw usab sila didto og grabeng delubyo.
Ang Ginoo Hari sa mga hari, maaghop ang kasingkasing sa Iyang mga binuhat ug timailhan niini ang iyang pagtubos Niya sa katawhan pinaahi sa pagpalansang sa krus. Apan Siya usab ang mohukom sa mahitabo sa iyang katawhan.