Nganong importante ang marriage license

Dear Atty. Divine,

Duna koy karelasyon sud na sa tulo ka tuig. Tua ni siya nagtrabaho sa gawas ug nagplano mingmagpakasal. Ang  akong amiga miingon nga aron daw di na mi mokuha og marriage license mo execute lang kami og Affidavit of Cohabitation aron  di na mi kinahanglan pa nga moseminar og mo comply  sa mga requirements sa pagkuha og marriage license. Ang akong pangutana kun importante ba ang marriage license kun magpakasal? Daghang salamat. — Grace

Dear Grace,

Ang marriage license usa kana sa labing importante nga requirements sa pagpakasal basi sa Family Code. Apan aduna kini exception sama sa nalatid sa Art. 34 sa atong Family Code nga diin kini nagkanayon nga di na magkinahanglan og marriage license kadtong nagpuyo na   or naglive-in sud sa lima ka tuig provided nga way legal nga babag ang ilang panagpuyo. Sa imo nga kaso, wa mo maglive-in sa imong boyfriend kay tua man siya magtrabaho abroad so dili mo exempted sa pagkuha og marriage license or else mamahimong void ang inyong kaminyuon kun mapakyas mo sa pagkuha og marriage license ug mamahimo kining kabasihan sa pagpa annul sa inyong kaminyuon. Mas maayo nga aron way question sa legality, mokuha gyud mo og marriage license ug aron maka andam ka  niini  mamahimong moadto ka sa Local Civil  Registrar aron pagpangayo og listahan sa mga rekisitos alang sa pagkuha og marriage license. Thank you and God bless! —Atty. Divine

Alang sa inyong pangutana, palihug lang sa pag e!mail sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.