New Age
Ang dokumento sa Simbahan: “Jesus Christ: The Bearer of the Water of Life, A Reflection on the New Age (Pontifical Council for Culture and the Pontifical Council for Interreligious Dialogue Feb. 3, 2003) hugtanon kining nisaway sa balansayon sa New Age ingon nga usa ka esoteric, esoteric teachings sa okulto nga dunay sambog nga mga pseudo science aron mas mohaom sa panabot ug pagbati sa modernong tawo ug panahon.
Naglambigit kini sa panambal ginamit ang nagkadaiyang mga matang sa enerhiya kun energy healing kang kansang mga tinubdan ug espiritwalidad dili gikan sa Kristohanon ug Katolikong Pagtulon-an.
Dugang pa, ang maong mga balansayon ang nisangpit ug nagpakitabang sa mga espirituhanong giya o mga anghel kunohay nga nahimong hawa sa kalambigitan sa Tinuod nga Dios.
Atong hinumdoman nga balansayon kini sa okulto ug naghatag og dakong hulga sa dautang mga Espiritu o mga demonyo nga manghasi sa kinabuhi sa mga tawo nga nidangop aron magpakitabang niini.
- Latest
