Mamahimo bang pakunhuran ang financial support sa bata

Dear Atty. Divine,

Naghatag ko og P10,000 nga support sa akong illegitimate child matag buwan. Apan karong bag-o na retrench ko sa trabaho.  Tungod niini, plano unta nako nga i-reduce una ang akong monthly support sa bata hangtud nga makakita ko pagbalik og trabaho, ang akong pangutana kun pwede ba ni nako nga buhaton? Daghang salamat.

Ben

* * *

Dear Ben,

Basi sa Article  202 sa atong Family Code, mamahimong ma increase or ma reduce ang financial support  sa bata depende sa financial need sa bata o sa resources sa  amahan nga naghatag sa support.  Sa imo nga kaso, nawad-an ka’g trabaho ug kasamtangan pa ka nga nangita og laing katrabahuan busa justifiable ra ang imong plano nga i-reduce una ang amount sa support nga imong ihatag. Apan mas maayo nga imong pasabton ang inahan sa bata labot sa imong sitwasyon karon kay di man sab siya kapugos nimo sa paghatag sa naandan nga amount kun nagkalisud gyud ka sa pagkakaron busa wa sab siyay basis to file a case against you gumikan sa imong sitwasyon. Imo lang unya nga ibalik ang naandan nga amount kun makakita na ikaw og trabaho. Thank you  and God bless.

Atty. Divine

* * *

Alang sa inyong pangutana, palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.