Pasko

Gahapon nasugdan Ang Misa de Gallo. Tulumanon ni NATO sukad pa kaniadto. Sa Akong bahin busy gyud sanglit anaa man Ako sa parokya.

Bisan pa man sa kahago Akong Nakita nga lipay kaayo Ang mga tawo anaa Ang diwa sa kasadya kay lagi pasko.

Daghan sab Ang mga intentions sa katawhan mao nga maningkamot gyud nga makompleto Ang siyam ka mga kaadlawon sa panghinaut nga dunggon Ang mga pangayo. Apan dunay mas halawom nga kahulogan Ang tanan.

Tungod sa atong gugma sa Dios nga nagpakatawo kita nangandam dili lang sa mga tahom nga dayandayan kondili sa atong espirituhanong panaw usab, diin gibuksan nato ang atong hunahuna sa hustong pagsabot ug sa atong kasingkasing sa hustong pagbati nga ang Pasko dili lang hudyaka kondili paghimo ug maayo.

Dili lang karong panahona kondili sa tanang adlaw sa atong Kinabuhi.