Pagpamalandong matang Domingo

Maayong balita

Matag ikaduhang Dominggo sa Adbiyento mogawas ingon nga mahinungdanong personahe si Juan Magbubunyag. Siya kadtong tingog nga nipukaw sa mga tanlag sa usag-usa.

Siya kadtong tingog nga makapahasol kanila nga anaa sa kasal-anan apan kahupayan alang kanila nga nangita og kabag-ohan ug pagkakabig. Siya kadtong minority apan kusganon nga tingog batok sa gambalay nga dili makiangayon.

Kasinatian

KADAGHANAN nato ang buot gyud og kasauban. Ang kausaban sa kaugalingon maoy mahinungdanon sa tanan sanglit malisud man ang pag-usab sa katilingbanong gambalay kon dili kita maantigong mousab mismo sa atong kaugalingon. Ning laing pagtapus sa tuig 2024 atong pamalandongan ang atong mga binuhatan sukad niadtong bulan sa Enero hangtud karon. Kun giunsa nato pag-abusar ang kaayo ug gugma sa Dios alang kanato.

Lihok

Mahinulsolong kasing kasing ug mapaubsanong Espiritu. Mao kini ang nindot nato nga ikahalad ngadto sa Dios. Busa kumpisal karong panahona. Gahini kini og panahahon.

Pangamuyo

Umanhi ka Ayaw Paglangan Ginoo. Himoang kaming takus nga makigtagbo sa among Ginoong Jesus nga nagpakatawo alang kanamo. Si Juan Magbubunyag paminawon unta namo. Amen.