Giprenda ang yuta

Dear Atty. Divine,

Ang among yuta giprenda sa akong mama og P200,000.00. Dapat bayran niya ang maong utang sud sa lima ka tuig. Mipirma ang akong mama og kasabutan  ngadto sa iyang giprendahan nga amo ra sab kaila. Basi sa ilang kasabutan kun dili makabayad si mama sa utang automatic nga mapanag-iya sa giprendahan ang yuta. Karong Disyembre 15, 2024 na mo due ang utang ni mama ug naglisud mi sa pagpangita og kwarta para ibayad kay dako man gud og interest. Ang akong pangutana nga sakto ba ang ilang kasabutan nga automatic mapanag-iya sa giprendahan ang yuta kon di  mi kabayad? Daghang salamat.

* * *

Cristal

Dear Cristal,

Basi sa Article  2085 sa atong Civil Code ang creditor o giutangan dili mahimo nga makapanag-iya sa butang nga gi pledge o gi mortgage sama sa yuta sa imong mama nga giprenda. Kun di makabayad ang nangutang kinahanglan  nga  i-foreclose  ang property og dayon i-public auction og ang proceeds niini maoy ibayad sa utang. Kanang provision sa ilang kasabutan nga automatic mapanag-iya sa giprendahan ang yuta sa imong mama kon di siya makabayad sa utang usa kana ka kalapasan sa maong balaod so wa kanay legal effect. Ang maayo ninyong buhaton mao ang pagpangita og paagi nga mabayran ang utang  sa imong mama. Kun di ninyo kini mabayran hayan ma foreclosed ang maong property. Thank you and God bless!  

Atty. Divine

* * *

Alang sa inyong pangutana,  palihug  lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.