Pwerteng samoka gyud niining mga makililimos nga anaa sa kadalanan ug sagad kanila mga Badjao. Ang uban niini nila kon dili nimo hatagan, manglabay og bato.
Duna ko’y video footage nga nagpakita sa usa ka babayeng Badjao nga nanglabay’g bato ngadto sa mga pasahero sa PUJ wa mohatag kaniya’g kwarta.
Nahitabo kini kaniadtong Oktubre 23 sa hapon diha dapit sa eskina Osmeña Boulevard ug P. Del Rosario Street. Nakuhaan gyud nako og footage kay layo pa ko, nakabantay man ko nga iyang panglabayon ang dili mohatag.
Karon, stop signal na diha dapit sa eskina atubangan gyud sa Cebu City Central School. Ang dalagita nga Badjao, misaka dayon sa PUJ ug ang mga pasahero gipangtunolan niya’g subre.
Nasabot nako nga paagi kadto nila sa mga Badjao nga imbes mangayo nga mosulti, kay di man sila kamao mosulti’g Binisaya, hatagan na lang nila’g subre ang mga pasahero.
Sus, ang mga subre gibutang ra man sa mga tawo diha sa lingkoranan, wa gyuy nanghatag. Nanaog ang dalagitang Badjao ug gitulisok ang mga pasahero.
Kay wa pa man molarga ang PUJ kay stop pa man ang signal light, nagtabi ang Badjao ug mipunit og bato. Pero ako nagsige na’g video kay nakakita na man ko daan nga manglabay siya’g bato.
Dihang milarga na ang PUJ nga ang mga pasahero wa manghatag og kwarta sa maong Badjao, gilabay niya’g bato, maayo gani kay wa maigo.
Nakapanglingolingo ko nga nagtan-aw. Kabastos na man lang gyud. Kining mga makililimos mao ni ang angay’ng palayason diha sa mga karsada.
Para nako, samtang duna tuo’y balaod nga mosilot sa mga tawo nga manghatag og limos sa mga makililimos, apan mas maayo tingali nga unahon sa pagpanakop kining magpakilimos.
Kinsa may mohatag og limos kon way magpakilimos diha? Gani, makita man nimo nga pipila ra gyud ang mohatag sa mga magpakilimos, labi na og mga Badjao.
Dali rang mailhan ang mga Badjao sa ilang sinena, ug ingon man sa hitsura. Usa sa ilhanan mao nga sagad kanila magtambid og bata samtang magpakilimos.
Ang uban kanila, labi na kining naas lalaki nga Badjao diha sa Escario Street ug Gorordo, magpadiwal-diwal sa dila aron ingnon nga himatyon na, apan pwerte diay’nmg abtika kon ang mga sakyanan molarga na.
Buyno, pinaagi ning akong lindog, awhagon nako ang katawhan nga ayaw mo panghatag og limos sa mga makililimos, ilabi na og Badjao. Mga tapolan ning tawhana.
Sige’g tambid nianang ilang mga anak nga tabla ra nga gitudloan nila nga inigkadako, mao sab kini ang ilang himoon nga magpakilimos.
Kining mga tawhana maoy angay’ng pangdakpon. Di gyud ni sila angay’ng kaloy-on kay kon hatagan ni sila? Mosamot ang ilang katapolan.