Gibaligya ang property pinaagi sa binuwan nga data-data

Dear Atty. Divine,

Maayong Adlaw. Naa koy  ikonsulta kanimo bahin sa akong property ( house and lot) nga gibaligya last year October 2023.  Nag-monthly payment ang buyer og P250,000.00. Apan na default ang buyer for 3 months na og wala kabayad. Na problema ko, kay iyahang giparentahan ang property ug maglisod ko og pa viewings sa new clients or prospective buyer. Unsay maayo nako nga buhaton? Daghang salamat. —LJ

Dear LJ,

Bout ipasabot nga imong gibaligya ang imong house and lot pinaagi sa installment ug karon napakyas na siya sa iyang binuwan nga bayranan nimo sud na sa tulo ka buwan. So, more or less nakabayad na siya nimo og kapin sa 2 milyon pesos kun wa ko masayop. Ang una nimong buhaton karon mao ang pagpadala og demand letter ngadto sa buyer aron iyang i-settle ang tulo ka buwan nga wa niya kabayri. Kun mapakyas gihapon siya sa pagbayad niini, hayan mohimo ka na sa imong sunod nga legal nga lakang. Mas maayo nga imong tan-awon kun unsay nalatid sa terms and conditions sa inyong gipirmahan nga Deed of Conditional Sale aron maoy imong sundon. Ug tungod kay dako na man sab ang iyang nabayad kanimo, mas maayo nga imo siyang klaruhon kun mopadayon ba siya sa pagpalit sa imong property kay kun dili hayan imo siyang pahibaw-on nga imo kining itanyag  sa lain nga buyer ug imo siyang sulti-an nga pabakantihan na ang maong property.  Thank you and God bless. Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.