Oktubre 27, 2024: Ikakatloan nga Domingo sulod sa tuig
Mga Pagbasa: Jer. 31;7-9/Sal. 126/Heb. 5;1-6/Mk. 10;46-52
Maayong Balita
Adunay tawo nga ginganlan og Bartimeo nga nagpasabot og Anak ni Timeo ang nagpunay og singgit ngadto kang Kristo Jesus nga niagi.
Dako kaayo ang iyang pagtuo sanglit iyang gigamit ang titulo:
“Jesus! Anak ni David!” timailhan lamang kini sa usa ka tim-os nga pagsalig nga ang nilabay nga si Jesus makaayo gyud kaniya gikan sa iyang pagkabuta.
Ug tuod man, naangkon niya ang kahayag ug human niya kini naangkon nisunod siya kaniya!
Kasinatian
Dunay duha ka matang ang pagkabuta. Kadtong pisikal nga pagkabuta nga mahimong makuha sa sakit o aksidente o buta nang daan sa dihang gipahimugso. Apan wala kini magpasabot nga ang maong mga tawo buta usab sa mga kamatuorang espirituhanon. Dunay mga tawo nga maayo kaayo og mga mata apan nagdumili pagsud-ong sa kamatuoran nga mao si Kristo Jesus. Butang nga nakapahimo kanila buta bisan pa man kun siga ug hayag ang ilang panan-aw.
Lihok
Tutok kang Kristo Jesus nga nagdupa diha sa Krus. Ug pamalandongi kun unsay imong mahimo aron mahupay mo ang iyang gibating kasakit.
Hinumdomi kuwang ang imong pag-ampo labina kun wala kay lakang nga pagahimoon sa mga ubos niyang mga igsuon nga nagkinahanglan sa mas konkretong mga lihok sa pagpangalagad.
Pangamuyo
Ginoo bukha ang among mga mata aron makita namo ang mga butang nga buot mong ipabuhat kanimo. Amen.