Matud ni San Juan Crisostomo
Pagpamalandong sa Malangkubong kaayohan
Dili lang ang atong Ginoo ang gitental sa yawa kondili lakip na usab niini ang mga pinalangga sa Dios.
Ang iyang mga sulogoon, dili lang sa kamingawan kondili usab sa mga dakbayan, mga merkado ug sa mga korte. Gitintal kita pinaagi sa uban, bisan nag ani sa mga sa atong mga kaliwatan.
Unsay angayan natong buhaton? Dili nato paminawon ni tuohan ang iyang mga bakak nga panaad.
Atong sap-ongan ang atong mga dalunggan aron dili nato madungog ang iyang mga malinglahong hunghong. Atong kasilagan ang iyang ulo-ulo.
Kun ugaling iyang padayonon ang paglingla nan, mas dugangan nato ang pagsugnod sa kalayo sa kasilag ngadto kaniya.
Hinumdomi si Eva human siya makadungog nga mamahimo siyang sama sa Dios, gumikan niini si Eba nabanlod sa kalaglagan.
Buhaton sa yawa ang tanang paagi sa pakiggubat ug dili siya motugot nga dunay mahitabo nga panagsabot.
Kun dili kita maningkamot alang sa atong kaluwasan, ang yawa makugihon alang sa atong kalaglagan.
Ato siyang suklan dili lang sa pulong ni hunahuna kondili pinaagi usab sa buhat.
Atong supakon ang bisan unsa nga gitugotan sa yawa pinaagi sa pagbuhat sa bisan unsa nga nahiuyon sa kabubut-on sa Dios.
Oo, daghang saad ang yawa dili tungod kay daghan siyag mahatag kanato kondili daghan siyang malangkat gikan kanato.
Iyang gihaylo kanato ang kalibutanong bahandi aron ihikaw kanato ang Gingharian sa Dios, gilaang kita sa mga kalibotanong kadato aron mamahimo kitang kabos sa umaabot nga kalibutan.