Dear Atty. Divine,
Ang akong bana usa ka foreigner ug aduna mi gitukod nga negosyo sa Cebu. Narehistro na ang among corporation ug karon plano niyang mopalit og properties ug ibutang kini sa pangan sa among corporation. Lima mi ka stockholders sa corporation, ako ang nagkupot sa majority sa shares, ang akong bana nagkupot og 30% samtang ang akong tulo ka igsuon aduna sab silay 3% shares matag usa kanila.
Ang akong pangutana kun mamahimo ba nga mopalit mi og property ug ibutang sa pangan sa corporation? Daghang salamat.
Nora
* * *
Dear Nora,
Yes, ang corporation mamahimo nga maka acquire og properties, real or personal. Busa kun mopalit mo og properties or machinery nga gamiton sa inyong negosyo, mamahimo nga inyo kining ipangan sa corporation.
Hinuon, ang kalainan, kun nakapangan sa corporation ang property, kun pananglit inyo kining i-dispose o ibaligya, nagkinahanglan kini og board resolution nga aprubado sa majority sa mga members sa board. Hinuon, kay kapamilya ra man ang mga shareholders niini so dili ra sab mo maglisud sa pag-decide unya kun inyong i-dispose ang maong mga properties. Thank you and God bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.