Cf. GME XX kun Guidelines for the Ministry of Exorcism
(Unang Bahin)
1. Diha sa pagtabang sa mga gisamok ug gisakit sa yawa sa nagkadaiyang paagi adunay mga tawo nga motabang sa panahon sa panginahanglan pinaagi sa pag-ampo ug personal nga paghalad sa kaugalingon alang sa gisakit sa dautan.
2. Ang kasinatian nagtudlo nga ang motabang dili na kinahanglan nga daghan apan pipila lamang nga kasaligan ug maantigong mohilom agig pagtahud sa katungod sa biktima. Gikinahanglan usab ang kaalam aron ang mga panghitabo dili mamahimong sumsoman sa mga kuryoso nga katawhan nga mahimong modugok panahon sa atake sanglit malinglahon kaayo ang yawa.
3. Dunay mga tawo nga nitabang sa mga nabiktima sa dautang espiritu sa kapasikaran nga sila paryente o kadugo sa biktima. Apan dunay mga tawo nga nitabang gyud sa walay hunong sa eksorsista. Sila kadtong mga tawo nga lalaki o babaye, konsagrado, o pari nga nitabang gyud sa eksorsista diha sa iyang pangalagad ug misyon. Gitawag sila og mga Auxilliaries.
4. Ang mga auxiliaries mga tawo nga gikan sa kadaghanan ang gipili aron makatabang sa buhat ug pangalagad sa eksorsismo nagpasabot kini nga sila kadtong giisip nga haom ug angayan sa maong buhat sa pangalagad.
5. Bisan pa man kun sa mga higayon nga ang eksorsista molihok nga mag-inusara apan gidasig gyud nga dunay mga pundok o mga tawo nga motabang kaniya ug iyang kaakuhan nga tudloan ug umolon sila diha sa pagtuo sanglit gikinahanglan man sila diha sa pag-abag sa mga nanginahanglan sa ilang tabang ilabina kadtong nabiktima sa gahum sa dautan.
6. Ang mga Kaabag sa Eksorsista adunay kaakuhan sama ning mosunod:
a. Pag-ampo sa kanunay alang sa nayawaan ginamit ang pag-ampo sa pangilaba (supplication) ug dili ang pagmando (imperative) nga gitagana lamang sa eksorsista.
b. Pag-andam sa dapit diin pagahimoon ang eksorsismo ingon man ang pag-andam sa mga gamit nga kinahanglanon.
c. Paggunit sa biktima labina kun mahimo kining pintas, paghatag sa mga gikinahanglanong mga butang labina sa panahon nga ang biktima mosuka, ug uban pa.
d. Kinahanglan nga dunay tataw kun klaro nga kahibalo o kasayuran ang eksorsista sa tawo o mga tawo nga iyang pagadawaton ingon nga iyang mga kaabag sa iyang pangalagad. Kinahanglan nga magmanggialamon siya sa paghimo sa ingon. (Padayonon)