Bongbong layo ra ni Tatay Digong

Niining duha ka tuig kapin nang pagpamunoan ni Presidente Bongbong Marcos  (PBBM), iyang napakita nga tinuod gayod ang gisulti ni kanhi Presidente Rodrigo A. Duterte (PRRD) nga siya si PBBM dili lang usa ka pangulong bangag, kondili, usa usab ka weak-tapolang lider. Sa pagkasuyoran-good-timer ni PBBM, diin gigamit lang ang titulong: ‘Official Presidential Foreign trip ngadto sa  iya kunohayng pagbisita sa nagkadaiyang nasod aron makakuhag datong investors, kini migasto nag minilyon ngadto sa binilyon ka pesos gikan sa panudlanan natong mga magbubuhis.

Ang pangutana, may mibubo ba? Or igo rang mi-pledge nga mobuhos og binilyon, pero hangtod ning pagsulat wala pay nahimong tinuod?  Hinunoa, may mga magpapatigayon pa dinhi sa ato ang namalhin ngadto sa laing kanasoran kay wala na mosalig sa hagukang pagpamunoan ni PBBM, kinsa imbes puohon ang mihinay na untang illegal drugs, gipaabunda pa hinuon? Sa administrasiyon ni PRRD, panagsa ra siyang mobiyahe-bisita sa laing nasod. Pero bisag may makahahadlok pang pandemiya (killer COVID 19), daghan gihapong foreign investors ang mi-invest dinhi sa atoa. Dili kay kini lang legasiyaha ang gibilin ni PRRD sa kasaysayan.  Nakapabarog pa gayod siyag daghang inprastraktura tungod sa iyang Build-Build-Build Program. Diin, napahimuslan-mapahimuslan kaayo sa tanan.

Si PBBM, kinsa haniting mangutang og trinilyon, may pulido bang inprastrakturang nagama ug ikapanghambog? Nasulbad ba niya ang suliran sa pagbaha panahon sa ting-ulan, subaskos ug bagyo ug ang grabing pagbaha sa korapsiyon ug illegal drugs nga maoy hinungdan sa pagdagsang sa mga dinagkong krimen?

Sa usa ka House Quadcom hearing, gidayeg ni Rep. Richard Gomez ang war on drugs ni Tatay Digong. Kay niadtong pagka-mayor niya sa Ormoc City, moduha ka bulan pa lang gikan sa pag-implementar sa programang Tokhang, aduna dayoy 900 ka drugistang miadto sa iyang munisipyo ug misurender. Hinungdan, nangahanaw ang mga badlungon ug nagmalinawon ilang lugar. Ebedensiya kining magtug-an, nga layo ra ang performance ni Bongbong kay sa kang Tatay Digong. Apan makahibulong. Nganong si PBBM man maoy nahumot sa kinabag-ang bahin sa mga Kongresista ug Senadores karon? Samtang si PRRD ilang gisaway-gilud-an ug gusto pang ipabilanggo?

Mao ba kini ang matang sa mga magbabalaod nga anaa ang Pilipinas?  Luoya nato, sa?