Pagpamalandong sa Malangkubong kaayohan
Yawa sa atong Kinabuhi?
Makasulod kini sa atong kinabuhi gumikan sa mga espirituhanong abli kun mga ganghaan. Naglangkob kini ning mosunod:
a. Naandang pagkinabuhi sa sala ug sa kawalay paghinulsol niini.
b. Halawom nga kasinatian sa trauma nga nagdala ngadto sa pagdumot, kasuko, kawalay kapasayloan.
c. Direkta menteng kalambigitan ngadto sa kalibutan sa mga espiritu pinaagi sa occult third eye, tagna tagna, patuo-tuo, balansayon sa New Age ug sa bisan unsang pamaagi malambigit lamang ngadto sa mga anghel nga napukan.
d.Paghimo og mga pagano nga ritwal ngadto sa tawo.
Ngadto sa mga butang ug dapit mahimong makapanghilabot ang yawa pinaagi ning mosunod:
a. Kun sa maong dapit nahitabo ang mga pagano ug ritwal sa satanismo.
b. Kun nahitabo sa maong dapit ang dagkong sala bunga sa kaulag ingon man kapintas.
c. Kun daghang mga disgrasya o aksidente nga nahitabo nianang dapita.
Unsaon man pagbabag o Pagsanta Niini?
1. Una, pinaagi sa pagtak-op kun pagsira sa mga abli o ganghaan nga mao ang mga sala. Matinud-anong paghinulsol, pagsalikway sa bisan unsang dunay kalambigitan sa mga lihok o buhat sa kangitngit.
2. Matinud-anon ug malangkubong pagkumpisal
3. Espirituhanon ug Kaayohan sa Kahiladman, Pagpasaylo.
4. Pagkonsagrar sa kaugalingon ngadto sa Dios.
N. B. Pagahimoon lamang ang eksorsismo kun anaa gyud ang dayag nga mga kalihukan nga dili kasarangan ang mga demonyo sa personal nga kinabuhi sa tawo. Busa dili makatarunganon nga mohimo dayon og dinali dali nga lakang sa paghimo og eksorsismo.
Kun ugaling ang nalambigit mao ang butang pagahimoon kining mosunod:
1. Pagahimoon ang pagputol sa dili balaanong baligtos o gapus tali sab utang o sa yawa nga nagpaluyo niini.
2. Pagbendisyon ginamit ang agua bendita.
3. Kun ang butang ginamit sa bisan unsang ritwal nga pagano o satanismo gawas sa pagputol sa dili balaanong gapus o baligtos kinahanglang gub-on kini pinaagi sa pagsunog ug ang abo ilabay ngadto sa mga nagdagang tubig.
4. Kun balay ang kinahanglang palingkawason andamon gyud ang tag-iya, ingon man ang tanang nagpuyo niini sa espirituhanong pagpangandam.