Kulatado sa kapuyo
Dear Atty. Divine;
Aduna koy kapuyo ug usa ang among anak. Apan ako siyang gibiyaan tungod kay makadaghan nako niya gibun-og ilabi na kun mag away mi.
Wa na koy plano nga makigbalik pa kaniya apan karon sige siya og bother nako.
Unsay akong buhaton aron di na siya makaduol nako? Daghang salamat. -- Lily
* * *
Dear Lily,
Aron di naka samukon pa sa imong kanhi kapuyo, mamahimo kang mopasaka og kasong kalapasan sa Republic Act 9262 kon Anti-Violence against Women and their Children batok sa imong live-in partner tungod sa physical og psychological violence nga iyang gibuhat batok nimo.
Usa kini ka criminal case busa mamahimo siyang mabilanggo kun siya mapamatud--ang sad an. Mamahimo sab ka nga mo-apply og Barangay Protection Order kun BPO sa inyong barangay aron di na siya makaduol nimo.
Ang BPO good for 15 days lang busa after sa BPO modangop ka sa korte aron sa pagpangayo og Permanent Protection Order.
Kun makakuha ka niini, dili na mamahimo nga makaduol kanimo ang imong kanhi live-in partner. Thankyou and God bless.
* * *
Atty. Divine
Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
