Gumikan sa pagpili nga gihimo sa mga anghel nga ilang talikdan ang Dios sa hingpit maoy sala nga dili gyud mapasaylo. Ilang gisalikway sa hingpit ang Diosnong kaluoy nga tungod niini wala nay kapasayloan pa alang kanila human sa ilang pagkapukan maingon nga wala nay kapasayloan alang sa usa ka tawo human sa iyang kamatayon.
Saksi ang Balaang Kasulatan sa kadaut nga nahimo niya nga gitawag sa atong Ginoo nga: “Mamumuno sukad pa sa Sinugdan.” Nga nisuway pagtintal sa atong Ginoo didto sa kamingawan aron dili niya matuman ang misyon nga gisangon kaniya sa Amahan.
Kun nganong naghari ang Anak sa Tawo, aron sa ingon gun-obon ang mga lihok sa yawa. Ang yawa mao kadtong nidani sa mga tawo aron supakon ang Dios.
Adunay katapusan ang gahum ni Satanas
Kini tungod kay linalang lamang apan gamhanan sa kapasikaran nga siya lunlon espiritu, apan sa gihapon linalang.
Dili niya mapugngan ni masanta ang pagtukod sa gingharian sa Dios. Si Satanas naglihok dinhi sa kalibutan agig pagpakita sa iyang kaligutgot sa Dios. ug kang Kristo Jesus ang Bugtong Anak sa Dios.
Mahimong matugotan sa Dios ang mga panghitabo sa mga dili kasarangang lihok sa yawa sa atong kinabuhi apan atong hinumdoman nga ang tanan gimbut-an sa Dios alang sa atong kaayohan labina kanila nga iyang gihigugma.