Risa nabalisa

Naiknat kilay sa mga kritikong kongresista ug senadores human ibalita nga mipayil og certificate of candidacy pagka senador alang sa 2025 election si Kingdom of Jesus Christ (KOJC) Pastor Apollo C. Quiboloy pinaagi sa mga sinaligan niyang abogado.

Si Senador Risa Hontiveros, kinsa hagbay rang nangita'g mga daotang paagi nga mabilanggo ang pastor tungod sa mga pasangil: child abuse, human trafficking, etc. diha sa Senado, ay pastilan, mora g'yud si Risa’g irong natil-asan! Haskang grabiha nakapaghot-nakasaway ni Apollo.

Niya pa, ay: “Magkaroon naman kayo ng konting hiya. Para sa isang taong humaharap sa patong-patong na kaso kabilang ang human trafficking at child abuse…nagkaroon pa talaga kayo ng lakas ng loob na ipresenta ang iyong sarili sa taumbayan para maging mambabatas?”

Daghang giluod sa gipanulti ni Risa. Labi na niadtong nakasubay sa tinuoray niyang pagkatawo.  Daghang misumbalik sa pagpangutana:

“Ikaw, wholesome wife ka ba? Wala ka ba makasala sa imong kaminyoon?

Dili ka ba korap? May balaod ka bang napanday nga hingpit makapuo sa korapsiyon sa gobiyerno ug epektibong makasumpo sa illegal drugs?

Bitaw. Dugay na si Risa sa iyang pagpangalagad. May natukod ba siyang legasiya nga nakatabang sa mga kabos ug nakaasenso sa Pilipinas? Kay kon wala?

Ay, layo ra siya ni Quiboloy! Kinsa, libolibo o milyong katawhan sulod ug gawas sa atong nasod ang nakapahimulos sa iyang massive humanitarian project sama sa: Children Joys Foundation, Inc., ACQ International Children’s Day, Gift of Education, Keeper’s Club International, Sonshine Philippines Movement, SMNI Foundation, United Indigenous Peoples Heritage of the Phillippines ug daghan pa. Sa laktod, wala ra sa kumingking ni Apollo si Risa kon mga legasiya man maoy hisgotan.

Hinungdan, bisag anaa na sa kustodiya ang pastor sa kapolisan, gipriso samtang wala pa pinaleng mahukmi sa korte iyang mga kaso, gusto gihapon si Risa ipadayon ang Quiboloy Senate hearing ning umaabot Octubre 23, 2024.

Kay aron kuno magkaatubang personal ang mga biktima ug ang ilang giakusahag sexual-abuse ug human trafficking.

Kaha? Or para grand standing ra?

May dakong purohan bayang modaog si Apollo. Ug kon modaog, pagahilantawan na ni Risa unsay climax niining scripted story nga iyang gitamdan? 

Ug mao kini ang nakapabalaka-nakapabalisa niya pag-ayo.