San Pio sa Petrelcina
Ang mga anghel, sila kadtong mga matinud-anon ug maunongong mga higala bisan pa man kun usahay masubo sila gumikan sa atong dautang mga binuhatan.
Sta. Gemma Galgani
Alang kaniya wala siya mag-inusara sanglit kuyog man niya ang iyang Anghel nga Magbalantay. gipangutana siya sa iyang superior nga si Mother Ines: “Asa nimo gibiyaan ang imong anghel nga magbalantay? “ Si Sta. Gemma nitubag: “Tua sa gawas.” Kun mao matud sa iyang superyora pasudla siya. Iyang gihulagway ang maong kasinatian nga nakita niya ang iyang anghel ug ang panagway niini uban ang pagbukhad sa pako niini.
San Francisco de Sales
Pakighigala sa mga angheles bisan pa man kun dili Makita ang kanunay nga mouban kanimo. Sa kanunay ihatag kanila ang imong pagdayeg, sangpita sila sa imong panginahanglang materyal ug espirituhanon.”
San Basilio Maximo
Ang matag anghel gipadala aron magbantay sa matag magtutuo, Ang atong sala maoy mohingilin kaniya gikan sa atong atubangan. Gibantayan niya ang matag kalag sama sa gihimo sa matag sundalo.
San Juan Bosco
Kun tentalon ka, pakitabang sa imong anghel nga magbalantay. Ayaw hatagi og pagtagad ang yawa ni mahadlok ka kaniya; malisang ang yawa sa imong anghel nga magbalantay.
San Ambrosio
Sangpiton nato ug mag-ampo kita ngadto sa atong anghel nga magbalantay nga gipadala sa Dios aron magbantay kanato.
San Juan Maria Vianey
Ang mga anghel nga magbalantay mao man ang atong suod nga higala nga kuyog nato adlaw ug gabii, kanunay ug bisan asa. Sa kanunay ato silang sangpiton usa ka dakong kalipay nga atong masayran nga sa paggawas pa lang nato sa atong pinuy-anan dili gyud mahitabo nga kita mag-inusara.