Dear Atty. Divine,
Aduna mi na-inherit nga mga property gikan sa among mga ginikanan. Karong bag-on nagsabot ming mga magsuon nga sugdan na ang pag-process sa pag-transfer niini ug mag-share sab mi alang sa mga galastuhan sa pag-transfer. Titulado kining maong mga yuta nga nakapangan pa sa among mga ginikanan. Ang akong pangutana, unsa may among mga bayranan inigbalhin na ngadto sa among mga pangan sa mga property nga maong na-inherit? Daghang salamat.
Glenda
* * *
Dear Glenda,
Usa sa inyong bayran inig process sa pag-transfer sa titulo sa inyong na-inherit nga mga yuta mao ang Estate tax. Inyo kining bayran human sa inyong pagpa-compute niini ngadto sa BIR. Mobayad sab kamo og Transfer tax ngadto sa Assessor’s Office, ini’g process ninyo sa transfer sa mga tax declaration sa maong mga property. Samtang inig transfer sab ninyo sa pag-transfer sa mga titulo, mobayad sab kamo og registration fee alang sa pag-issue og bag-ong titulo ubos sa inyong mga pangan. Apan kun gusto ninyo nga ipa subdivide ang inyong properties aron ma-isyuhan kamo og separate title sa inyong tagsa-tagsa ka share then mobayad sab kamo alang sa pagpa-survey og pagpa-subdivide sa maong property. Thank you and God bless.
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.