Kon buot kita nga hingpit masulbad ang atong suliran sa basura, maoy gikinahanglan ang waste management system, nga mao karon ang gihimo sa Singapore, nga giila sa tibuok kalibutan nga ‘garbage free’ nga nasud.
Dili kini madala og malata’ ug di-malata’ lamang nga policy. Sa ato nang giingon dinhi, lisud ang pagpatuman niini, dili practical.
Singapore, ang ilang waste management strategy, naglangkob sa tulo ka R: reduce, reuse, ug recycle. Aduna ba kitay paagi pag-recycle sa basura?
Yuna pa, sa atong gibalikbalik dinhi, ang Singapore is clean, green, ug disciplined. Disiplinado ba kitang mga Pinoy, aron makatabang pagpa-clean ug pagpa-basura-free sa Cebu City? Uban sa robust nilang infrastructure ug istrikto kaayo nga pagatuman sa mga regulations, efficient kaayo ang ilang waste collection ug recycling programs.
Solid Waste Management Infrastructure. Nagkadaghan ang population sa Singapore (sama sa atong nasud), ug ang paglambo sa ilang ekonomiya, nakatampo kini pagdaghan sa basura, gikan sa 1,260 ka tonilda matag adlaw sa 1970, ngadto sa 8,741 tons matag adlaw pag-2021.
Ang solid waste management sa Singapore nagsugod sa mga panimalay ug sa mga balay-patigayon. Ug nia, ang hugaw, ang waste gikan sa sa tinuban nga dili i-segregate, kolektahon kini ug dad-on ngadto sa waste-to-energy nga mga planta, for incineration.
Ug matud pa, ang incineration reduces the volume of solid waste by about 90% and energy is recovered to generate electricity. Tan-awa, tapus sa incineration, ma-produced ang energy ug magamit ang elektrisidad.
Ang residue, o ang abo nga linugdang, dad-on ngadto sa transfer station, ug uban sa non-incinerable waste, isakay og barge paingon ngadto sa landfill for disposal. So, walay pollution, ug dili makadalit og risgo sa panglawas.
Usa ra ang ilang landfill, sa atong pagsulat niini, nahimutang sa 350 hectares nga luna. Unsa may gidak-on sa atong landfill dinhi? Of course, dili nato matandi ang atong siyudad sa Singapore. Apan. at least, mohimo kita og mga gagmay nga lakang pagbatok sa problema sa basura, ug dili kay kutob lang sa ‘no segregation, no collection policy,’ pag-segregate sa malata ug dimalata.
Mahimo kaayo ni sa national government. Daghan ang atong kwarta, kapin sa P13 trillion ang atong budget, ug matud pa, sigehan pa kono og dugang.
Sa Singapore aduna silay National Environment Agency (NEA) nga maoy on top pakigbugno batok sa waste collection and disposal problem. Dinhi sa ato, ang DENR. Duna usab silay Research, Development, Demonstration and Deployment (RDD&D) nga ahensiya; Waste Management Technology Roadmap; ug National Recycling Program (NRP).
High-rise buildings including public housing estates, private condominiums, and /or shopping and commercial complexes are typically equipped with a refuse chute system. Duna ba ta ini?
Atong makita dinhi nga ni-concentrate sila pag-protect sa environment from the foul smell and health-risk nga basura. Wa man sila maghisgot og cha-cha, o people’s initiative nga ilang priorities.
Ang gihimo sa Singapore pagbatok sa waste problem, kaya kaayo sa atong nasud. Ato lang i-swift ang atong mga priorities ngadto sa lungsod-based from political-based.
Duna bay Waste Management System ang atong national government? Unsa man gayud ang atong mga priorities nga muatubang ug mosulbad sa nagtipun-og natong mga problema?