Dear Atty. Divine,
Ang akong mga ginikanan nagtinguha sa pagbaligya sa ilang property. Aduna na silay buyer, ug ang ilang sabot sila si mama ug papa ang mobayad sa Capital Gains Tax samtang ang ubang galastuhan sa pag-transfer, ang buyer na ang mogasto niini. Ang akong pangutana kun unsa may basihan sa pag-compute sa Capital Gains Tax? Unsa pa may mga dokumento nga I turnover nila ni mama ug papa ngadto sa buyer inig binayranay na? Daghang salamat. Laura
* * *
Dear Laura,
Ang basihan sa pag-compute sa Capital Gains Tax mao ang selling price or ang zonal value, whichever is higher. Buot ipasabot nga kun mas taas gani ang presyo sa pagbaligya kun itandi sa zonal value sa yuta then ang basihan sa pag-compute niini mao ang presyo sa pagpalit. Apan kun mas taas ang zonal value itandi sa presyo sa pagbaligya then ang zonal value ang basihan sa pag-compute sa tax. Ang mga dokumento nga i- turnover sa imong mga ginikanan ngadto sa buyer kun magbinayranay mao ang Deed of Absolute Sale nga pirmado nila og notarized na sa abogado, i- turnover usab nila ang original copy sa title kun titulado ug ang certified true copy niini, certified true copy sab sa tax declaration ug tax clearance. Kun walay improvement ang yuta then i-turnover sab nila ang certificate of no improvement. Thank you and God Bless! -- Atty. Divine
Alang sa inyong pangutana palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.