Dear Atty. Divine,
Adunay yuta nga kabilin ang akong mga ginikanan ug gusto na unta namo kining bahinon uban sa akong mga igsuon. Apan ang problema kay wa namo makit-i ang mga papeles sa maong property. Ang among inahan ang nagtago sa titulo niini, apan wa niya ma turnover ngadto kanamo ang maong mga dokumento sa dihang buhi pa siya. Unsa may angayan namo nga buhaton kon pananglit di na gyud namo makita ang mga dokumento niini? Daghang Salamat. -- Richie
Dear Richie,
Kun di na gyud ninyo makita ang kopya sa original nga titulo sa inyong yuta, mamahimo nga mokuha mo og certified true copy sa maong titulo ngadto sa Register of Deeds. Human niini, mo execute ang usa sa mga heirs og Affidavit of Loss labot sa pagkahanaw sa maong titulo ug ipa annotate sa title sa Register of Deed ang maong Affidavit. Once ma annotated na sa title sa ROD ang Affidavit mamahimo na kamong mopasaka og petition ngadto sa Korte alang sa pagpa-issue og titulo sa inyong yuta hulip sa nawala ninyong title. Ang Register of Deeds dili maka issue og laing kopya sa titulo kun walay mando sa Korte. Samtang sa tax declaration sa yuta, mamahimo ra kamong mokuha og certified true copy niini ngadto sa Assessor’s Office ug di na kini magkinahanglan pa og mando sa Korte. Thank you and God Bless. -- Atty. Divine
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.