Mga kasagarang pangutana kalabot sa pangalagad sa eksorsismo ug kalingkawasan

(Katapusang bahin)

7. Unsa man ang Romanhong Ritwal sa Eksorsismo kun Roman Ritual of Exorcism?

Opisyal kini nga libro nga Gamiton sa paghingilin sa demonyo ug pagpalingkawas sa nayawaan gikan sa gahom sa mga dautang mga espiritu. Dunay duha ka mga porma ang maong ritwal. Ang extraordinary form nga gigamit pa sukad niadtong tuig 1614 sa panahon ni Papa Pablo V (1605-1621).

Gihimo ang bag-ong hulad sa panahon ni Papa Pio XII (1939-1958). Ang ordinary form nga gipatik sa panahon ni Papa San Pablo II niadtong tuig 1999. (1978-2005). Ang Edisyon 1614 makita sa Rituale Romanum ni Papa Pio XII nga giulohan og Exorcizandis Obsesssis a Demonio.

Samtang ang hubad sa 1999 adunay ulohan nga Exorcismis et Supplicationibus Quibusdam. Ang si bisan kinsang eksorsista makahimo paggamit ning duha ka mga hubad. Kining maong mga hubad gitagik sa latin nga pinulongan.

Dunay nagkadaiyang hubad sa pinulongang inglis alang sa 1614 nga Ritwal apan bisan asa niining maong mga hinubad ang mahimong gamiton. Sa laing bahin ang hubad 1999 ang adunay hubad sa mga pinulongang Espanyol, Italyano, ingon man Ingles.

Ang aprobadong hubad sa pinulongang Ingles ang namantala niadtong tuig 2017 uban ang ulohan: On Exorcisms and Certain Supplications.

8.Mas Gamhanan Ba ang Paggamit sa Linatin nga Pinulongan panahon sa Solemneng Eksorsismo?

Usa sa mga timaan nga dunay matuod nga pag-angkon o tinuod nga nayawaan kun ang energumen kun ang nayawaan ang maantigong mosulti og mga pinulongan nga wala siyay igong katakus, kahimanan nga makakat-on lakip na niini ang paglitok sa mga pinulongan sa kakaraanan sama sa latin, griyego ug uban pa.

Nakita sa mga eksorsista nga mas paspas ang reaksiyon sa energumen kun latin na ang gamiton. Wala hinuon kini magpasabot nga mas gamhanan gyud ang latin diha sa eksorsismo apan mas gisugyot nga gamiton kini panahon sa eksorsismo labina diha sa paghingilin o pagmando diha sa solemne nga eksorsismo. Angayan natong hinumdoman nga ang Latin mao man ang opisyal nga pinulongan sa Simbahan.