Matud Pang San Romualdo-Ermitanyo

Naila usab siya nga si San Romualdo sa Ravenna, Italia. Nahimugso niadtong tuig 950 ug namatay niadtong Hunyo 19, 1027 sa Vai di Castro, Tuscany siya ang nagtukod sa pundok sa mga Camaldolese Benedectines Hermits.

Kabahin sa iyang Rule of Life kining maong pahimangno: Sit in your cell as in paradise. Put the whole world behind you and forget it. Watch your thought like a fisherman watching for fish.”

Sit in your cell as paradise. Nagpasabot kini nga kinahanglang imong tukoron ug ampingan ang imong personal space ingon nga Paraiso dili tungod kay komportable kini ug halayo sa kasakit hinunoa imong nasinati ang presensiya sa Dios sa imong kinabuhi ug buot mo nga imo kining tagamtamon sa hingpit adlaw adlaw.

Put the whole world behind you and forget it. Dili na mahinungdanon alang kanimo kun mamahimo kang dato ug gamhanan sa mga mata sa kalibutan. Mahinungdanon alang kanimo nga kuyog imo ang Dios ug anaa ikaw sa iyang presensiya bisan pa man kun gilibutan ka sa daghang mga bahandi. Hinumdomi gamita ang kalibutanong mga butang, higugmaa ang tawo dili kay gamiton nimo ang tawo apan higugmaon mo ang kalibutanong mga butang.

Watch your thoughts like a fisherman watching for fish. Makahuloganon kun magmatngon kita sa atong panghunahuna nga dili mapunting sa bisan unsang kawang. Hinunoa, atong pun-on kini sa mga hunahuna nga magdala kanato ngadto sa tunhay nga kahiusahan sa atong labaw nga makagagahum. Atong hinumdoman nga kun unsay anaa sa atong hunahuna ug padayon natong gihunahuna, mamahimo kining makaapekto sa atong mga buhat.