(Unang bahin)
Unang Bahin:
Pagkuha sa mga Gikinahanglang Datos
1. Pag fill up sa mga forms
2.Informal/formal interview
3. Pagduaw sa panimalay kun kinahanglanon alang sa ocular inspection
4. Pagkuha sa medical certificate/psychiatric record gikan sa mga doktor ug psychiatrist
5. Pagsabot sa adlaw sa Sesyon alang sa kalingkawasan ug eksorsismo/ Deliverance Session and Exorcism
Ikaduhang Bahin:
Pag-andam sa Pasyente ug sa Banay Niini
1. Pagpasayon alang sa pagkumpisal
2. Katekesis alang sa pamilya
3. Pag-Ampo sa Santos nga Rosaryo
4. Pagsaulog sa Santos nga Misa alang sa panalipod sa tanan ingon man alang sa kaayohan ug kalingkawasan sa pasyente kun biktima.
5. Pagsusi sa lawasnong kahimtang sa pasyente pinaagi sa doktor nga nitambong.
6. Pagpasabot sa pamilya ug sa pasyente sa proseso ug posible nga mahitabo.
Ikatulong Bahin: Pag-Andam sa Pundok
Alang sa Kalingkawasan (Deliverance Team)
1. Pagpangumpisal
2. Pagpuasa
3. Pagtuon sa kaso ug unsay mga lakang nga pagahimoon. Lakip na niini ang pagsabot kun unsang matanga sa mga pag-ampo ang angayang gamiton. Human sa mga Pag-Ampo Alang sa Kalingkawasan isunod ang mga pag-ampo alang sa Kaayohan nga mahimong maglangkob sa Inner Healing, Physical Healing, Spiritual Healing, Healing of the Family Tree.
4. Hora Santa uban ang Chaplet ni San Miguel Arkanghel.
5. Pagbendisyon sa mga Sakramental nga Gamiton.
Ikaupat nga Bahin: Pag-Andam
sa Dapit diin Pagahimoon ang Sesyon
1. Selyohan ang dapit pinaagi sa pag-ampo sa Perimeter Prayer.
2. Butangan ang upat ka suok og exorcized salt.
3. Benditahan ang dapit ginamit ang exorcized water.
4. Dihogan ang mga bintana, pultahan, ingon man ang silya nga pagalingkoran sa biktima. Kun gikinahanglan nga dunay katre alang ning maong katuyoan mahimo usab kini. Pahibaw-on ang pasyente daan nga mahimo siyang gapuson kun gikinahanglan.
5. Ampoon ang pag-ampo sa panalipod.
Ikalima nga Bahin: Pagdala sa Biktima kun Pasyente/
Paghimo sa Sesyon sa Kalingkawasan/Eksorsismo
1. Sa kalma nga paagi dad-on ang pasyente sa dapit diin pagahimoon ang sesyon.
2. Ipahimutang siya sa Dapit nga gitagana alang kaniya. mahimo siyang gapuson kun gikinahanglan.
3. Susihon sa doktor ang iyang vital signs.
4.Ang pundok alang sa kalingkawasan ingon man ang tanan nga anaa ang mohimo sa pagpanumpa nga ang tanang panghitabo ug mga impormasyon kinahangang pagaisipon nga pribado ug busa kinahanglang dili masabwag ngadto sa gawas.
5. Bugtong ang documentation committee lamang ang makahimo sa pagkuha sa mga video footages ug wala nay laing tugotan pa. —Padayonon