Dear Atty. Divine,
Aduna koy yuta nga ibaligya ug anaa nay interesado nga buyer. Ang titulo sa maong yuta nakapangan kanako apan nabutang sab ang pangan sa akong bana nga usa ka Chinese kaniadto apan karon usa na ka American Citizen.
Ang nabutang sa nationality sa akong bana sa titulo sa yuta, Chinese citizen pa, ang akong pangutana kun kinahanglan pa bang ipausab ang nabutang nga nationality sa akong bana sa maong titulo? Dili ba masangit ang buyer ini’g process sa pag-transfer niini? Daghang salamat. -- Cora
Dear Cora,
Dili na kinahanglan nga ipausab ang entry sa nationality sa imong bana sa titulo sa imong yuta gikan sa Chinese citizen ngadto sa iyang pagka American citizen. Kini tungod kay ang mga foreigner sama sa imong bana dili makapanag-iya og real property sa Pilipinas gawas lang kun kini iyang na-inherit.
Ang pangan sa imong bana nabutang lang sa maong titulo tungod sa imong status isip minyo apan wa kini magpasabot nga siya co-owner niini tungod kay usa man siya ka langyaw.
Ikaw ra ang tag-iya sa maong yuta busa dili na gani kinahanglan ang consent sa imong bana kun kini imong ibaligya ug dili na mo matter kun unsay iyang nationality nga nabutang sa maong titulo kay dili man kini makaapekto kun imong ibaligya og dili sab kini issue kun i-transfer na sa buyer ang maong property ngadto sa iyang pangan. Thank you and God bless. -- Atty. Divine
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.