1. Gahum Gumikan sa Karisma
Sanglitanan niini ang kinabuhi sa mga Santos nga gumikan sa kabalaan sa ilang kinabuhi ug diha sa ilang hugot nga mga pag-ampo mahimong makahingilin sila sa mga demonyo pinaagi sa paggamit sa ngalan ni Jesus.
2. Gahum nga Hinatag sa Simbahan
Ang sagradong orden sa pagkapari gahum nga hinatag sa simbahan sa usa ka tawong binunyagan aron mangalagad labina gyud sa pagdumala sa mga sakramento alang sa kaluwasan sa katawhan sa Dios. Dugang pa kun ang usa ka pari nakadawat na og mandato gikan sa iyang obispo nagpasabot kini nga nilihok siya dili sa iyang kaugalingong pahanungdan kondili nangalagad siya sa ngalan sa Simbahan.
Ang ritwal sa eksorsismo usa man ka sagradong akto dinasonan sa Simbahan.
3. Gahum Pinasikad sa Balaod Natural
Sama sa ginikanan nga mahimong mag-ampo alang sa kalingkawasan sa iyang anak o sakop sa pamilya. Sa bana ngadto sa iyang asawa o apohan ngadto sa iyang mga apo.
Pinasikad ning maong pagtulon-an dunay gibug aton kun nganong modulot gyud ang tunglo ingon man ang panalangin gumikan ning kapasikaran ang gahum nga nahuptan.