Posibleng gi-peke ang pirma

Dear Atty. Divine,

Ang akong ginikanan adunay yuta sa probinsya. Kining maong yuta gitikad sa among paryente. Unang namatay ang akong inahan 3 years ago. Ug niadtong miaging tuig namatay sab ang among amahan. Tungod niini, amo na nga gipahibawo ang among paryente nga amo nang gamiton ang property nga kanhi niya gitikad kay wa man gyud mi sukad nakadawat og bahin niini. Apan ang among paryente miingon nga gibaligya na daw sa among amahan ngadto kaniya ang maong property ug anaa siyay Deed of Absolute Sale nga gikuptan. Nagduda mi nga kun timuod nga adunay Deed of Sale, posibleng gi forged ang signature sa akong papa kay sa dihang buhi pa siya, di man gyud siya gusto nga mamaligya og property. Ang akong pangutana, mamahimo ba namo nga mabawi ang maong property?  Unsay angayan namo nga buhaton? Daghang salamat. -- Felix

Dear Felix,

Kun notarized ang maong Deed of Absolute Sale, adunay presumption nga ang imong amahan mao gyud ang nagpirma niini. Basi sa desisyon sa Korte Suprema sa Vda. De Mendez vs. CA and Spouses Dabon nga gidesisyunan niadtong June 13, 2012, ang Supreme Court nagkanayon: “As we have often said, forgery is not presumed but must be proved by clear, positive and convincing evidence by the party alleging it. It is established by comparing the alleged forged signature with the genuine signatures. Considering the technical nature of the procedure in examining forged documents, handwriting experts are often offered as expert witnesses. But although their testimonies are useful, resort to these experts is not mandatory or indispensable because a finding of forgery does not depend entirely on their testimonies. Judges must also exercise independent judgment in determining the authenticity or genuineness of the signatures in question, and not rely merely on the testimonies of handwriting experts.” Xxx. Sa ato pa, kun gusto ninyong bawi-on ang property, modangop kamo sa korte ug pamatud-an ang inyong pasangil nga ilang gi forged ang pirma sa imong amahan. Gawas sa expert witness kinahanglan ka og dugang ebidensya nga moprubar sa imong pasangil. Thank you and God Bless!

Atty. Divine