Dunay mga higayon nga mosuol ang atong pagka isipan. Tungod kay dunay mga higayon nga ang atong gipaabot wala motugma sa atong nadawat.
Labina kun ang tanan natong paningkamot atong pinasikad sa kwentada.
Nga kinahanglan nga dunay kitay madawat human sa atong paghago.
Apan sa laing bahin kining maong panlantaw makapaluya kay dili tanang higayon kita moyamar. Adunay mga higayon nga mohatag og libre ug moalagad.
Makita ang tinud-anay nga kinaiya sa tawo panahon sa iyang kaabunda ingon man panahon sa iyang kalisdanan.
Sa pamasin nga mamahimong malipayon ang kinabuhi, buot kitang mohakgom sa tanang mga butang nga mahimong atong dangpanan alang sa atong kasegurohan.
Dili tanang higayon ang kinabuhi masukod sa atong nahuptan kondili sa atong nahatag ug napaambit. Sa panahon nga kita nagbagulbol ug wala makontento sa atong nahuptan ug nadawat pasayloon unta kita sa kahitas-an.