Servant leadership

Magpadayon kita niining atong series on leadership qualities, sa tinguha nga sa ato unyang pagbotar sunod tuig, atong ibasi ang atong pagpili sa mga piliunon, sa ilang mga katakos, sa ilang mga leadership qualities, ug dili sa popularity, o kadaghan sa kawarta nga mosulod sa atong bulsa.

Hinaut nga na-leksiyon na kita, nga gumikan sa atong pagpasagad sa nangaging mga eleksiyon, sa atong pagka-irresponsible nga botante, ug sa atong pag-panamastamas sa balaan natong katungod pagpili, wala gayud nato makab-ot ang tinguha nga magmauswagon sa atong nasud.

Sumaa karon, pulos problema ang atong giatubang, inay development. Ang kawad-on, ang ka-mahal sa mga palitunon, ang kakulang o ka-walay panarbaho, ang kagutom, ubp.

Tungod ba kaha kini nga pipila sa atong gipili nga mga leader, dili mga servant leaders, kundili mga agalon o master leaders? Unsa man kining servant leadership?

“Servant leadership is about a leader who puts service first – service to his employees, service to the public. It is about what society needs, on what people share with their leaders – success, prosperity, growth,” matud ni Federico M. Macaranas, dean sa Center for Development Management sa Asian Institute of Management.

Ingon ba niini karon ang atong mga leader, labi na sa government sector, nga nga ang pag-alagad maoy nag-una sa ilang agenda ug mga concern? Di ba kaha ang ilang mga personal ug political interests?

Dugang ni Macranas nga ang sustainable development mag-agad largely sa atong mga leader. Natural.  Maghisgot kita og kaugmaran, tingusbawan, anaa ra kini sa atong mga leader nga atong gipili, local ug national.

Sa iyang bahin, mahitungod sa number one nga leader sa nasud, si Conrado de Quiroz sa The Philippine Star, nagkanayon: “When you become the president, you become the president of the entire nation – not just of your friends, relatives or supporters. He should also be the president of his enemies, and of his critics.”  

Mao nga alang nako, dili sayon ang pagka-presidente sa nasud, kon maoy imong tinguha ang pag-alagad sa tanan, lakip ang imong mga kaatbang sa politika, ug mga critique. Suma pa, Leadership is not easy. It requires credibility, risk-taking, patience, decisiveness, courage, character, and humility.

Ambut ngano nga dinhi sa atong nasud daghan man ang gustong mag-presidente? Unsa may  anaa sa pagka-presidente sa Pilipinas nga daghan man ang mag-inilogay niini? Sa ubang kanasuran, sama America, tagduha ra man ka kandidato ang magpapili pagka-presidente.

Unya, ang mga kandidato pagka-presidente, ipaagi una sa convention sa mga political parties (Republican ug Democrat), ilang gitawag nga primaries, nga maoy mo-nominate sa mga piliunon. Dinhi sa ang mga kandidato ray magbuot, unya, ipaagi konohay og convention, pag-legitimize sa nomination process.

Anyway, what makes a good leader? Aniay lima ka essential qualities of a good leader:  1) Communicate frequently. 2) Vision. Aduna kay panglantaw sa unahan, sa ugma. 3) Empathy. It is the ability to understand and share the feelings of others, pagsabot ug pag-ambit sa mga pagbati sa uban.

4) Accountability. Pagpanubag sa mga nahimo o performance sa buhatan, kalapasan man. 5) Gratitude.

Makamaong mobayad sa utang kabubot-on. Gratitude is when you feel thankful for the good things in your life.