Tunglo

Ikaduhang bahin

butang nga nisimbolo sa biktima.

5. Satanismo nga Ritwal.[1] Mahitabo kini pagahimoon ang Black Mass aron pagahimoon ang kaalautan ngadto sa Biktima. 

Sumala sa Kahimanan

1. Lumay, Lamat, Usik. Ginamit ang monyeka, karne nga dunay dagom, bukog gikan sa sam-ang, dugo, insekto, o baki.

2. Ginamit ang mga butang Tinunglo sama sa mga gasa nga hinatag, tanom, unlan, monyeka, anting anting, habak.

3.  Uban ang Buyag, Evil Eye. Pinaagi sa paghikap, gakus, o tayhop.

4.  Pinaagi sa telopono/cellphone. Bisan pa man sa kahilom, pulong, o gininhawa nga nadungog.

Sa Unsang paagi nga mabiktima sa tunglo ang usa ka tawo?

Ang pagtunglo, pagbarang, usik ug uban pa ug si bisan kinsa nga naghimo niini ang pagaisipon gyud nga sulugoon sa demonyo. Ang gahum nga gipataban sa akto sa pagtunglo, pagbarang o pag-usik ang nagasalig gyud sa gahum nga gikan sa yawa. Kun dunay abli[2] kun ganghaan ang biktima nga gipadad-an mas modako ang kahigayonan nga siya madutlan ug seguro gyud nga mas makalilisang ug makadaut ang resulta niini.

Mahimo ba nga makasinati og tunglo ang tibuok  banay kun pamilya?

Mahimong ang tibuok pamilya ang gihasi sa dautang espiritu ug nasinati nila ang maong tunglo pinaagi sa mga hitabo nga nakaapekto sa ilang espirituhanon, sikolohikal, lawasnon, pinansiyal nga pagkinabuhi. Ang maong pag-atake masinati diha sa mga panghitabo sa panlupig sama pananglit sa balatian nga lisud tugkaron ang hinungdan, mga paranormal nga mga hitabo sa panimalay ingon man ang kahigayonan nga usa sa mga sakop sa pamilya ang mahimong masudlan sa dautang mga Espiritu.[3] Gikinahanglan ang masusi nga pagsud-ong sa kaso sa maong tunglo. Atong hinumdoman nga ang atakihon mao man gyud ang pinakahuyang nga sakop sa banay kun pamilya. Apan ang gahum sa maong tunglo nagasukad sa kalambigitan sa nagpadala sa tunglo kun ang tinubdan niini, ug ang gipadad-an sa maong tunglo.  Nagpasabot kini nga diha sa pamilya:

1. Adunay usa ka pamilya nga gilangkoban  nilang A-B-C

2. Ang barangan nitunglo sa tibuok pamilya.

3. Nakita nga apektado ug nayawaan si C.

4.  Ang gihimo sa eksorsista mao nga giandam ug giatiman pag-ayo si C. Apan bisan pa man sa maong paningkamot wala gyuy kaayohan ug kalingkawasan nga nahitabo kang C.

5. Nakita nga nag-antos si A ug B (physically o emotionally) sa matag higayon nga masudlan si C (Nayawaan si C).

6. Nasayran nga si B diay ang tumong sa maong tunglo apan si C maoy nag-antos sanglit siya man ang pinaka sensitibo[4] sa kalibutan sa mga Espiritu ug ang pinakahuyang sa tanan.

7. Nagpasabot kini nga si B kinahanglanon nga unahon pagpalingkawas ingon man bugtoon ang  bisan unsang baligtos[5], kalambigitan[6], gapos[7] ug dili balaanong konsagrasyon[8] nga anaa naglihok sulod sa pamilya.

8. Human malingkawas si B suwayan og palingkawas og balik si B.