Gustong idonar sa anak ang property

Dear Atty. Divine,

Aduna koy kapuyo sud na sa napulo ka tuig og duna mi usa ka anak nga karon 8 anyos na. Sa wala pa mi naglive-in aning akong partner aduna siyay napalit nga house and lot og mao kini karon ang among gipuy-an. Titulado kining maong property og nakapangan kaniya. Karon gusto unta sa akong partner nga ibalhin sa pangan sa among anak ang maong property. Mamahimo ba kining buhaton nga minor de edad pa man ang akong anak? Daghang salamat.

Grace

* * *

Dear Grace,

Yes, mamahimong i-transfer ang titulo o ownership sa maong property ngadto sa inyong anak pinaagi sa pag-execute og Deed of Donation sa imong kapuyo in favor sa inyong anak. Ang Deed of Donation nagkinahanglan og acceptance sa donee o sa gihatagan.

Apan tungod kay minor de edad man ang gihatagan dili pa siya mamahimo nga makapirma niini, busa ikaw isip inahan, ikaw ang mopirma sa acceptance sa donation in behalf sa imong anak. Kinahanglan nga adto kini ninyo pirmahan atubangan sa notary public og human niini inyong panotaryuhan ug i-submit sa BIR alang sa pagbayad og Donor’s tax. Human niini inyo nang i-process ang pag-transfer sa tax declaration ug sa titulo sa maong property. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.