Usahay, kon ang tawo mabayaw na gani sa itaas tungod sa nahuptan niyang abilidad diha sa industriya sa showbiz-entertainment o media, kini mahikalimot diin siya gikan, labi na'g iyang mga tiil wala na patugkara sa yuta. Pastilan, dili na niya ma-feel unsay bation sa tawo o mga tawo, kinsa anaa sa ubos nga maigo sa iyang pagpangluwa.
Ug mao kini nahitabo niadtong usa ka iladong miyembro sa LGBTQIA+ community, kinsa tungod kay gitawag lang sa nangatahorang male food attendant (FA) og: “Good morning, Sir!”, puwerte nang sukoa ug gipabarog ang FA og hapit duha ka oras sa iyang atubangan kay gusto kuno niyang i-educate. Makatarunganon ba iyang gibuhat?
Sagad sa taga LGBTQIA+, kinsa nakailag Ginoo, maoy naulaw sa iyang gipakitang taras. Sanglit sa maong pagminalditang wala sa lugar, nadamay pa hnuon sila. Ang iladong It’s Showtime host Vice Ganda, mipasiklap og usa ka eksena, diin gitawag siyag ‘Sir,’ duha ka beses sa usa ka partisipante nga maoy nakapakatawa sa kauban niyang mga host.
Apan gipahiyoman lamang kini sa milyonariya-premyadong artista, kinsa namahayag: “Ako, kahit ano? Pagtinawag mo akong ‘Ma’am’, hindi ako ma-offend. Pagtinawag mo akong ‘Sir’, hindi rin ako ma-offend. Hindi ko nire-recognize ang sarili ko…”
Usab, ang content creator-talent manager, Ogie Diaz milabtik-pahinumdom: “Nainsulto ka kasi nakaayos babae ka. Pero hindi mo na-achieve na tawagin kang ‘Ma’am.’ Ganon naman pala na babae ang tingin mo sa sarili mo, pinakitaan mo ng pruyba na magpapatunay na babae ka…Katulad kunwari ng birth certificate. Ipakita mo na ‘Female’ ang nakalagay sa gender mo doon para mas maintidihan ka ng waiter.”
Bitaw, kanus-a ba, mahimong babaye ang orihinal nga lalaki? Bisag tangtangon pa kanang imong pagkalalaki ug pulihag iyaha sa babaye, dili gayod makausab sa original gender ug pangalang narehistro sa libro sa Ginoo dihang ikaw gibunyagan.
Busa, Sir, nganong masuko man kag tawgog ‘Sir’ sa FA? Nga bisag magsinina kag binabaye ug bulitan imong nawong sa bagang makeup, dili man gyod kini makapausab sa imong gender? Dili man gyod ka mahimong Ma’am sa mga mata sa Diyos?
Unta, sama nila ni Vice Ganda ug Ogie Diaz, makamao ka nang mogakos unsay reyalidad?