Ang basura sa Singapore

Alang kanatong mga senior citizens, atong maisip nga suliran nga walay kasulbaran, ang basura, labi na karon nga nagkadaghan ang molupyo sa dakbayan. Atong hinumdoman nga sa mga batan-on pa kita, diha na kining maong problema, nag-ilis-ilis kita og mga local government officials, hangtud nga na-senior citizens na kita, ania miuban gihapon kanato ang maong garbage woes. Nagkagrabe pa. 

Unsay gihimo sa Singapore niining maong suliran, nga alang kanako, maglisud kita pagkopya, kay sila didto, labi na ang  gobiyerno, concentrate lang gayud sa public service, ug dili nila sagulan og politika, nga mao na hinuon ang nahimo natong main concern.

Yuna pa, unsa to ning Singapore? Sa atong gibalikbalik makadaghan dinhi, ang Singapore is green, clean, ug disciplined. Mahimo kaha ni nato dinhi, nga nagkinahanglan man kini og community involvement, ug sinsero nga pangalagad sa atong gipili nga mga public servants?

Karon, ang Singapore garbage-free. Actually, duna silay basura, apan, duna silay gihimo nga wala kitay makita nga basura sa kadalanan, bisan og panit na lang sa mani, o toothpick (exaggeration?).

Ania, gikan sa YouTube:  Kapin sa 2,400 ka garbage trucks ang mokolikta sa basura matag adlaw (diri sa amo, maayo na lang kon mahinumdoman mi.). Dinhi sa ato, pila ra man ka trucks ang mangolikta sa basura? Ang uban  ra ba niini guba, ug dili ma-repair tungod kay walay kwarta alang sa maintenance.

Unya, ang basura, dad-on ngadto sa bunker (a large container or reinforced underground area  for storing collected garbage. Dayon, ipasa ngadto sa upat ka incinerator plants nga maoy mosunog sa basura, diin ang kainit niini, ang heat, ilang i-convert into electricity.

Ang aso, smoke, ilang i-filter for health reasons, dili makahasul sa katawhan, ug dili maka-pollute sa hangin. Ang linugdanan, o ang residue, or anything that's left over when a substance has been removed, Ila kining ginganlan og new sand, dili ilabay, ilang itambog ngadto sa man-made island (mora na tingali kini og semento). Maoy gamiton paggama og hollow blocks, ug mga bricks.  

So, basura, gawas nga wala makahugaw ug wala makapa-baho’ sa Singapore, walay nausik, ug ang tanan nagamit gayud.

Dinhi sa ato, magkawot kitag bunker didto sa bukid, layo sa mga residences, ug mangitag paagi nga dili kaayo manimaho, ug kon duna kitay incinerator (I doubt), ipasa dayon ang basura gikan sa bunker. Dilidugayon sa     bunker. 

Siyaro og dili kita makadugang og palit og garbage trucks, ug bisag usa lang ka incinerator. Gasto man gani kitag milyon sa palarong pambansa, nga wa man toy nahimo nga kaayohan nganhi kanatong mga Sugbuanon.  Sumaa, unsa man nga benefit ang imong naani gikan niadtong gastuso kaayo nga affair?

Kadungganan ra gayud ang atong nahagdaw (apan di man ni makaon), ug pagpatuo nga daghan kitag kwarta, ug chicken ra ang gasto sa Palaro. Apan, dili maka-afford pagpalit ug dugang garbage trucks,  ug kahimanan pagsumpo sa sa baha.’

* * *

Alang kanatong mga senior citizens, aniay pipila ka mga tips aron magmalipayon, ma-enjoyable, ug ma-wholesome gihapon ang atong mga retirement days. Old age is not a punishment. “Aging is not a last hope, but a new stage of opportunity and strength,” nagkanayon si Carmen Pedrosa sa The Philippine Star.

Una, start day with positive rituals/outlooks. Ato ra kining padayunon sa sunod natong mga lindog.