Dear Atty. Divine,
Ang akong mama miingon nga saup daw mi sa yuta nga among gitikad. Apan wa na mi mga resibo sa mga halin sa mais og humay nga abot sa yuta nga gipa maintain namo sud na sa 33 ka tuig.
Ang akong pangutana kun makonsiderar ba gihapon kami nga saup bisan kun wa na mi nga resibo sa abot sa yuta? Daghang salamat.
Raffe
* * *
Dear Raffe,
Kun kamo ang nagtikad sa maong umahan sud na sa 33 ka tuig, then makonsiderar gyud kamo nga saup, basta ang tag-iya sa yuta inyong gibahinan sa share sa abot sa maong umahan or nagbayad mo sa tag-iya og fix amount bugti sa inyong pagtikad sa maong yuta.
Kini bisan pa kun wa moy mga resibo sa mga halin sa mais og humay nga abot sa maong umahan as long as kanunay mong naghatag og bahin sa tag-iya sa matag harvest sa yuta.
Apan kun pananglit ang tag-iya sa yuta mo-deny nga saup mo nila then mamahimo kamo nga modangop sa Department og Agrarian Reform of DAR.
Thank you and God Bless!
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.