(Katapusang bahin)
8 Kun adunay mga pintas nga gahum o panghitabo nga nibabag sa pasyente nga mohimo sa ritwal sa pagsalikway (Renouncement) Kinahanglang sublion ang eksorsismo hangtud nga mahimo na siyang gawasnon.
9. Kun bata pa ang biktima ang iyang mga ginakanan maoy mohimo sa mga proseso sama sa pagsalikway sa kalambigitan sa occult nga kalihokan uban ang matinud-anong pagtuo. Ang mga ginikanan usab ang mohimo sa mga pag-ampo gikan sa pagsugod hangtud na sa pagtapos sa ritwal.
10. Dasigon ang pasyente o biktima sa paghimo og konsagrasyon ngadto sa Mahal nga Kasingkasing ni Jesus ug sa Putli nga kasingkasing ni Maria. Kun ugaling anaa gihapon ang negatibong reaksiyon gikan sa pasyente o biktima mahimong ang hingtungdan kulang o taphaw ang pagtuo. Mahimong sabton nato kini nga ang pasyente buot lamang nga mahanaw ang demonyo gikan kaniya apan dili ang gahum nga nahuptan pinaagi sa occult ug divination. Ning tungora, gikinahanglan gyud ang hustong pag-ebanghelyo (evangelization) ug pagmaymay (counselling). Ug kun nakita nga dunay kausaban ug pagtahan gikan sa hingtungdan sublion ang rito gikan sa sinugdanan hangtud sa katapusan aron sa ingon masirad-an o matak-op ang occult third eye ug nga mabatonan niya ang kalingkawasan.
11. Hilogan sa pari/eksorsista ang agtang sa pasyente ginamit ang Santa Krisma. Hilogan usab ang uban pang mga sentido. Timaan kini nga gibag-o ang konsagrasyon sa biktima balik ngadto sa Dios.
12. Human masirado ang Occult Third Eye pagahimoon eksorsista nga pari ang pag-ampo sa laing mga eksorsismo (Minor /Major Exorcism) aron pagtino kun nakatapot pa ba gihapon ang demonyo diha sa biktima.
13. Kun wala nay reaksiyon gikan sa biktima human mabuhat ang eksorsismo ug paghilog ginamit ang Santa Krisma nagpasabot kini nga luwas na ang hingtungdan ug nakalingkawas na siya gikan sa gahum sa kangitngit.
Kasagarang Masinati sa Biktima nga Gitabangan nga Malingkawas gikan sa Occult Third Eye
Ang mosunod mao ang mga butang masinati sa biktima sa Occult Third Eye samtang gihimo ang Eksorsismo
1.Maglisud og Ginhawa
2.Maglisud diha sa Pag-ampo
3.Dili kakita, maglisud og basa
4.Mosakit ang ulo
5.Gibati niya nga daw gituok
6.Magngutngut ang mga mata
7.Gibati niya nga daw dunay nikamang-kamang sa sa nagkadaiyang mga bahin sa lawas.
8.Depende kun dugay na ba ang maong occult third eye naumol, ang biktima mahimong makadungog og mga nagkadaiyang mga tingog ug kasaba ingon man makakita og mga makalilisang nga mga talan-awon.
9. Kun ugaling moping-it o mosinggit sa kasakit ang biktima panahon sa gihimong ritwal sa eksorsismo aron pagtak-op sa occult third eye, dili angay mabalaka ang eksorsista sanglit ang nasakitan dili ang pasyente kondili ang mga demonyo nga anaa niya.
10. Padayon sa pag-ampo sa mga eksorsismo labina gyud ang pag-ampo batok sa tunglo ug mahika. Makatabang kaayo kining maong mga pag-ampo labina kun ang maong occult third eye nakuha pinaagi sa witchcraft kun pamalbal.
Pahinumdom:
Kun pananglit makasuka ang biktima o makapagawas sa hangin gikan sa iyang lawas, ang mga tawo nga nitabang mag-andam gyud og mga sudlanan alang niini. Timaan kini nga dunay demonyo nga napapahawa gikan kaniya. padayonon ang mga pag-ampo hangtud nga moabot ang kalingkawasan.
Pahimangno alang sa Eksorsista
kun padayon ang sakit sa ulo sa biktima labina gyud ang dapit sa may agtang panahon nga gihimo ang mga pag-ampo sa eksorsismo, nagpasabot kini nga ang biktima dili matinud-anon nga motahan sa gahum nga nahuptan o dili ba kaha ang biktima dunay gitagoan, kasagaran masalaypon o immoral nga kinaiya. Ang demonyo padayong motapot sa bisan unsa, ginagmay o dinagko nga dili iya sa Ginoo. Sa ato pa, ang pasyente dili matinud-anon diha sa iyang pagbasol ug sa hilom walay tinguha nga makalingkawas gikan sa mga espirituhanong mga gapos. Dili malipay ang Dios sa mga mapahitas-on.”[4] Gikinahanglanon kaayo ang mapailubong pagpasabot ug pagmaymay ngadto sa pasyente o biktima hangtud itahan niya ang tanan ug mabatonan niya ang kalingkawasan ug kaayohan.
Kun Naabli ang Occult Third Eye Gumikan sa mga Balansayon sa Pamalbal o Pangwakwak
Kun nakita o nasuta nga ang suliran nagasukad pa sa mga katingulangan, pinaagi sa balansayonsa Pamalbal, Pangwak nan, pagaisipon kining usa ka kaso sa tunglo ug mahika. Ang pag-ampo sa Eksorsismo ni San Cipriano sa Nicomedia batok sa Mahika ug Tunglo ang angayang gamiton. Hinuon mahimo usab nga gamiton ang anaa sa Roman Ritual Vol II. (Exorcism Prayer III) nga pagahimoon sa usa ka natahasan nga Eksorsista.