Dear Atty. Divine,
Ang akong igsuon nagkaproblema karon sa iyang birth certificate kay adunay mga sayop nga entry. Ang iyang gender inay male nahimong female samtang ang iyang middle name sayup ang spelling niini. Gusto unta sa akong igsuon nga mokuha og passport. Ang akong pangutana kun mamahimo ba nga magpa late registration nalang ang akong igsuon aron makurihi-an ang mga sayup nga entry sa iyang birth certificate? Daghang salamat.
Nora
* * *
Dear Nora,
Dili angay nga magpa late registration ang imong igsuon kay moresulta kini sa double registration ug mamahimo na hinuon nga komplikado ang iyang problema. Kini tungod kay kun double ang iyang birth certificate kinahanglan nga ipa cancel ang ikaduha niini ngadto sa Korte ug ang mo prevail mao ang first nga gi rehistro nga birth certificate. Ang maayo niyang buhaton karon, iyang pakurihian ang iyang unang birth certificate ngadto sa Local Civil Registrar diin siya marehistro. Adunay list of requirements ang Civil Registrar alang sa pagpasaka og petition for correction sa Birth Certificate mas maayo nga mangayo siya niini og mao kini ang dapat niyang i-comply ug i-submit ngadto kanila. Thank you and God bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.