Dear Atty. Divine,
Ang akong live-in partner namatay human nadisgrasya sa iyang motor. Aduna siyay gamay nga negosyo hinungdan nga nakapalit siya og motor ug house and lot nga maoy among gipuy-an. Wala mi anak. Ang akong pangutana kun aduna ba koy katungod nga mangayo og bahin sa iyang gibilin nga kabtangan? Daghang salamat.
Laura
* * *
Dear Laura,
Kun ang maong property iyang napalit before mo nag live-in then wa kay katungod nga mangayo og bahin sa iyang kabilin kay dili man ikaw compulsory heir kay di man kamo kasal ug wa sab kay contribution sa pagpalit sa maong property. Kun aduna pa moy anak, ang inyong anak ang adunay katungod nga mo-inherit sa iyang kabilin apan kay wa man kamoy anak, adto kini mapunta sa iyang mga ginikanan kun buhi pa, apan kun patay na ang iyang mga ginikanan, ang iyang mga igsuon ang adunay katungod nga mo-inherit niini. Apan kun pananglit aduna siyay property nga napalit atol na sa inyong panagtipon, aduna kay katungod nga mangayo og share sa maong property kay basi sa balaod any property nga ma-acquire sa manag live-in partners nga pulos way kabilinggan, makonsiderar nga co-owner sa maong property. Thank you and God bless. -- Atty. Divine
* * *
Alang sa inyong pangutana, palihug lang sa pag email sa flores_ divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.