1. Sa dili pa himoon ang rito sa pagtak-op kun pagsira sa Occult Third Eye himoon una ang pagputol sa mga silyo, konsagrasyon, tunglo, yamyam, tunglo diha sa Pamilya ug sa kaliwatan, ug dili balaanong baligtos ug kaulipnan.
2. Pagahimoon dayon ang paghilog sa mga sentido ug ang ang mga eksorsismo nga kuyog niini (Minor exorcism).
3. Kun pananglit nahimong abli ang mga chakra points, nan, kinahanglang sirad-an una kini sa dili pa itak-op ang occult third eye. Kun ugaling mahitaabo gyud ang tinud-anay nga kaso sa panlupig, ug pag-angkon (Possession) kinahanglang pagahimo gyud ang solemneng ritwal sa eksorsismo uban ang par inga eksorsista.
4. Kinahanglang pagahimoon gyud ang pagsira kun pagtak-op sa mga chakra points ginamit ang paghilog sa biktima ug sa mga sentido niini ginamit ang mga pag-ampo sa eksorsismo sa mga sentido sa dili pa pagahimoon ang pagtak-op sa Occult Third Eye.
5. Kinahanglan gyud nga ang pasyente kun ang hingtungdan mamahimong andam ug tagana nga motahan sa maong proseso sa eksorsismo aron mapadayon ang pagahimoong eksorsismo batok sa spirits of the occult and divination.
6. Kun diha sa pag-ampo nga ginamit ang pag-ampo sa eksorsismo batok sa Spirits of Divination ug ang pagtak-op sa Occult Third Eye, nakita nga ang pasyente dunay kusog nga reaksiyon, sa hunahuna ug pagbati, ang pari mahimong mosubli ang pagmando sa mga espiritu nga nakatapot niini gikan sa Ngalan ni Jesus ngadto sa Spirits of Darkness and Divination… hangtud makab-ot ang kalingkawasan. Mahimo usab niyang gamiton ang minor exorcism ni Papa Leo XIII ug uban pang mga mga pag-ampo o eksorsismo. Ug kun anaa ang hingpit nga pag-angkon kun full blown possession mas makaayo nga gamiton ang anaa sa Roman Ritual Vol II labina gyud ang Exorcism Prayer III. Samglit kining maong mga matang sa pag-ampo ug eksorsismo ang nipunting man sa mga Espiritu ug mga demonyo nga naghatag og mga gahum sa occult.
7. Ang biktima ang kinahanglang mohimo og matinud-anong paghinulsol, mokumpisal aron malikayan ang pintas ug kusog nga mga reaksiyon sa dili pa pagahimoon ang pag-ampo alang sa kalingkawasan. Ug kun dili siya makahimo sa pagkumpisal, mohimo siya og usa ka dayag nga paghinulsol sa iyang mga sala. Himoon niya kini matinud-anon nga paagi..
8. Kun bata pa ang biktima ang iyang mga ginakanan maoy mohimo sa mga proseso sama sa pagsalikway sa kalambigitan sa occult nga kalihokan uban ang matinud-anong pagtuo. Ang mga ginikanan usab ang mohimo sa mga pag-ampo gikan sa pagsugod hangtud na sa pagtapos sa ritwal. (Sumpayan pa)