Unahon nako ang pagpasalamat sa akong amigo nga si Police Colonel Ireneo Dalogdog, ang direktor sa Cebu City Police Office (CCPO) kay nadakpan dayon nila kadtong kawatan og cellphone nga nasakpan sa iya untang pagpangawat.
Anugon lang kaayo kay ang dinakpan nga si Jeffrey Cabreros, wa man mosukol dihang siya gidakop aron unta makarason ang mga polis nga usbon na ang iyang birthday ngadto sa November 1.
Nagkagot gyud ang akong bag-ang nga nagtan-aw niining Jeffrey Cabreros dihang nakuhaan siya og video nga kawaton unta niya ang cellphone sa usa ka babaye sulod sa usa ka mall.
Wa siya’y kasayuran nga ang duha diay ka babaye nga didto sa maong mall niadtong higayona, nag-live video diay kay gamiton tingali nila sa social media, mao nga nakuha ang iya unta nga pagpangawat.
Gialsa ni Jeffrey Cabreros ang usa ka lingkoranan aron maoy gitabon niya nga dili kaayo siya makita nga mikuot sa bag sa babaye diin didto ang cellphone, apan nakit-an siya gihapon.
Giilog pagbalik sa babaye ang cellphone nga didto na sa mga kamot ni Cabreros. Gi-post nila ang video ug gi-share sab sa mga media outlets, ug mao nga nakit-an kini ni Colonel Dalogdog.
Abtik kaayo ang direktor sa kapolisan nga nakamando sa iyang mga sakop nga pangitaon ang maong tawo nga wa pa nila mailhi niadtong higayona.
Apan ang kapolisan nakadawat og inpormasyon nga ang maong tawo mao diay si Jeffrey Cabreros ug gitug-anan ang kapolisan nga kaniadtong Sabado, Hulyo 6, didto kini sa Barangay Carreta.
Tuod, nadakpan dayon nila si Cabreros, ug nakuhaan pa gyud og 10 ka gramos nga shabu, ingon man .22 kalibre nga revolver. Pastilan, gigamit unta niya ang iyang armas, aron makarason ang mga bpolis pagpatay niya.
Kining matanga sa pagka tawo dili na kini angay’ng padugayon dinhi sa kalibutan kay maghatag lang ni og problema sa katawhan. Way pulos nga pagkatawo, maayo’g lawas apan kawatan?
Ambot hain na ang mga sakop sa Hunter Team kaniadto, kadtong mga vigilantes nga anbtik kaayong mangita sa mga tawo nga pareho’g kinaiya ni Cabreros.
Di gyud ko mahadlok nga mangasuko kanako ang mga tawo nga susama og batasan niining Cabreros. Abi ninyo, makadaghan na ko nga nabiktima og kawatan.
Gani, ang akong balay kaduha na gisaka og kawatan, ug swerte pa sila niadto, pero sa sunod basin demalason na sila kon akong masakpan kay talinggab kaayo ning bangkaw nga akong pinalit.
Manggiloy-on kaayo ko, pero bangis ko sa mga tawo nga kawatan ug mga tulisan.