Dear Atty. Divine,
Ang akong manghud wa motunga sud sa usa ka semana sa iyang trabaho. Wa kini mananghid ug wa sab kini nag-file og leave. After a week, mibalik siya sa pag-report og nangayo og pasaylo sa iyang pag-absent nga way pananghid. Tungod sa iyang gibuhat naapektuhan ang operasyon sa ilang company. Ang akong pangutana kun mamahimo ba siyang ma-terminate tungod sa iyang gibuhat? Daghang Salamat. -- Nora
Dear Nora,
Tungod sa gihimong pag-abandon sa imong igsuon sa iyang trabaho sud sa usa ka semana hayan mamahimo siyang ma-terminate. Basi sa atong balaod, ang usa ka empliyado bisan kun kini regular employee mamahimo nga i-terminate kun kini adunay nahimong kalapasan sa Art. 297 sa atong Labor Code nga naglakip ning mosunod: a. Serious misconduct or willful disobedience by the employee, b. Gross and habitual neglect by the employee of his duties, c. Fraud or willful breach by the employee of the trust reposed in him by his employer or duly authorized representative, d. Commission of a crime or offense by employee against the person of his employer or any immediate member of his family or his duly authorized representatives, og e. Other causes analogous to the foregoing. Sa kaso sa imong igsuon, mahulog nga neglect of duties ang iyang gibuhat busa mamahimo kining kabasihan sa pag-terminate ilabi na kon makadaghan na kini niya gibuhat. Hinuon hatagan pa man siya sa employer og panahon sa pag-explain sa iyang side busa manghinaut lang ta nga mo-consider kaniya ang iyang employer basta dili na kini niya buhaton pag-usab. Thank you and God Bless.
Atty. Divine
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.