2. Demoni chiusi/clausi (Sirado nga Demonyo) Ato kining mailhan kay sulod sa Rito sa Eksorsismo nagpabiling piyong ang mga mata sa pasyente.
Kun ablihan ang tabon tabon niini bugtong puti na lamang ang makita.
Malinglahon kining maong demonyo sanglit mahimong iyang ibutang sa kahimtang sa trance ang biktima apan makita gihapon ang kalimutaw sa mga mata niini.
Molanat ug pila ka minuto kining maong kahimtang busa makatarunganon lamang nga padayon gihapon sa pag-ampo ang eksorsista.
Ning paagiha ang yawa makapahimo sa biktima nga anaa sa hingpit kun complete trance state diin puti na lang gyud tanan ang makita sa iyang mga mata.
Kun ang eksorsista mohunong sa pag-ampo ug maulian diha diha ang biktima ug kun pangutan-on walay nahinumdoman sa nahitabo nan makaingon kita nga kini usa ka CERTIFIED CASE OF DEMONIC POSSESSION.
Apan kun sa laing bahin ang pasyente panahon sa eksorsismo ug igo mosulimbad ang kalimutaw padulong sa itaas nga bahin diha sa mata ug ang pasyente kun biktima nahinumdom sa mga panghitabo nan, dili kini usa ka demonic possession hinunoa demonic oppression kun ang yawan-ong panlupig.