Ang mga rason kun nganong giisip silang mga demonyo diha sa hunahuna tungod kay tumong nila nga mopahit ka sa maong paon sugod sa ilang hunahuna. Ang imong reaksiyon kun ang pagtagad gikan sa hingtungdan.
Ang pamaagi mao man ang pagsugnod, ug pagbusog niini sa mga enerhiya diin ang biktima mamahimong magapos ug maulipon sa dili maayong panghunahuna nga sa ato pa nahimong preoccupation sa hunahuna nga moresulta og paghatag niini og katumanan diha sa mas pisikal nga binuhatan.
Sama pananglit sa paghunahuna og mga malaw-ay bunga sa maulagong imahinasyon nga moresulta usab og maulagong binuhatan sama sa paglolo (Masturbation) ug uban pa.
O nasuko ka sa imong anak nga kun dili ka makamatngon ang mahimong moresulta og pagpangulata ug pagpasakit niya.
Magkalain lain ang impluwensiya sa matag demonyo diha sa matag tawo. Dunay uban huyang, dunay uban lig-on segun sa kahimtang nga nidumala ang demonyo sa kinabuhi sa tawo.
Mas lig-on ug kusgan labina kun adunay konsagrasyon nga gihimo labina sa panahon sa kabatan-on.
Aron dili mapadayon ang pagdagmal sa yawa sa atong kinabuhi, dili nato siya tugotan nga makasulod sa atong kinabuhi pinaagi sa mga ganghaan sama sa naandang mga sala.
Ang sala nahimong pagkaon ug sustansiya sa yawa ug kini maoy makabaskog kaniya pag-ayo aron kita hasulon. Padayon kitang masamdan padayong kita masakitan.