Requirements sa pagkuha og passport sa minor de edad

Dear Atty. Divine,

Ang akong pag-umangkon nga minor de edad gustong pakuhaan og passport sa iyang inahan nga atua na magpuyo sa UK.

Kini tungod kay planong kuhaon  sa akong igsuon ang bata nga iyang anak sa pagkadalaga.

Ang akong pangutana kun unsa may dokumento nga among dad-on kun among kuhaan og passport ang bata? Daghang salamat.

Nora

* * *

Dear Nora,

Kinahanglan nga mokuha mo daan og appointment sa DFA. Kinahanglan sab nga magdala mo  og original copy sa birth certificate sa bata gikan sa PSA kay usa ni sa pangayuon sa DFA.

Og tungod kay minor de edad man ang imong pag-umangkon, kinahanglan nga mo execute og Special Power of Attorney or SPA ang inahan sa bata nga nag authorize kanimo isip maoy iyang representante sa pag apply og passport sa iyang anak. Magdala sab ka og kopya sa govt. issued ID sa inahan sa bata.

Mas maayo sab nga magdala sab mo sa school ID sa bata og baptismal certificate  kon naa panagana lang in case pangayuan mo og additional proof of identity sa bata ngadto sa DFA.

Ang application form adto na kini ninyo makuha during sa inyong appointment ug ang picture adto na sab kini kuhaon mismo sa sud sa DFA lakip na ang bayad sa passport. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.