Unicameral Congress, uyon ba ang mga senior citizens niini?

Tapus sa dul-an 40 ka tuig, ang bicameral Congress (Senate ug House of Representatives) usahon na lang, himoon nga unicameral Congress, sumala sa sugyot ni Rep. Edcel Lagman, ang author sa Divorce bill. 

Kon kini madayon, ambut unsaon ni nila pag-implement. Ila bang i-abolish ang Senado, ug i-retain ang Lower House? Sa ato pa, pasagdan na lang ang mga Representante, makapatuyang sila sa gusto nilang buhaton?

Of course nagkinahanglan kini og amendment sa Konstitusyon, ug dili kini madali ug masayon, kay ila pa man kining debatihan sa present bicameral Congress.  Sa pagkakaron gud, ang Senado gihimo man nga ‘checks and balance’ sa Kongreso.

Most probably usa kini sa mga rason ngano na nag-bicameral kita sa Kongreso, sama sa Kongreso sa America, nga adunay mga senador ug representante. Sumala sa atong makita sa mga movies, mo-conduct usab sila didto og mga senate hearing, labi na sa mga bug-at nga isyo ug controversies (sama sa PDEA leaks?)

Akong hunahuna, i-abolish gayud ang existing Houses, ang Upper ug Lower, usbon ang set up ug composition sa bag-ong unicameral legislature. Meaning, ang karon nga mga Representante sa Lower House, dili awtomatik nga sila na ang molingkod nga mga sakop sa unicameral Congress unya. Ipaagi sad ni nato’g eleksiyon uy!

Apan, sa atong giingon sa unahan, kinahanglan nga amendahon ang Konstitusyon. Ug lagmit nagkinahanglan kini’g approval sa katawhan, pinaagi sa plebiscite o referendum. Mouyon ba ang katawhan niini?

Sa pangutana kon mouyon ba ang mga senior citizens niini? Wala may hiniusang tingog ang mga senior citizens, kay wala man usab kita mahiusa as ang organizstion. Ang FSCAP (hinumdom mo?), pakyas. Dinhi sa ato, nag-iyahay kita. Tinuod gyud diay ang giingon nga, it’s hard, it’s impossible to unite the Filipinos.

Adunay mga laraw nga kami diri sa Guadalupe, suwayan namo pag-federate o pag-usa sa upat o lima ka association sa mga senior citizens. Mahimo kaha ni?

Balik ta sa Kongreso. “I prefer a unicameral Congress so that the passing of bills will be much faster, so we can pinpoint the responsibility in the unicameral, and gridlocks in the Senate and the House of Representatives would be done away with,” nagkanayon si Lagman, presidente sa Liberal Party. according to Rep. Edcel Lagman.

Maayo kay wala siya mobalitok ngadto sa party in power. Niay uban, hilabihan ka balimbing, mga oportunista, walay mga prinsipyo.  Ang tanan, alang kanila, for exigency, for convenience lamang. Tan-awa karon, naa may bag-ong gitukod nga partido ang administrasyon, unya, nang-resign na man silang daan gikan sa Partido nga nakapadaug kanila, maglumba kini sila pag-take oath ngadto sa bag-ong administration party.

Sa inyong nasayran, after the election, didto sa America, wala ug dili kita makadungog nga inigkadaog sa Democrat pagka-Presidente, walay usa ka Republican ang mobalitok ngadto sa pagka-Democrat. Nganong dili man kini mahimo dinhi sa ato?

Maoy akong pagtuo nga ang ilang giingon nga ‘change is coming’ panahon sa kampanya, matuman da after the elections, ug himuon nang balaud ang anti-turncoatism bill nga dugay nang nag-ung-ong sa Kongreso.