Kinapobrehan nga president

Duna ba guy pobre nga presidente? Gani dinhi sa ato, wala may pobre nga kapitan sa barangay, otherwise, wala silay igong igasto ini'g eleksiyon. Unsa na kaha ang mga sakop sa Kongreso ug mga Cabinet secretaries no?

Anyway (nakabasa na sad tingali mo niini). Giingon dinhi nga si Jose Mujica sa Uruguay, is the world’s poorest president. Ngano man?

Tubag sa google: “Mujica has been described as ‘the world's humblest head of state’ due to his austere lifestyle and his donation of around 90 percent of his $12,000 monthly salary to charities that benefit poor people and small entrepreneurs.”

Ngilngiga no, gamay’g sweldo, mga 90% niini, iyang gi-donate ngadto sa mga charitable organizations, ug sa mga gagmay'ng negosyante. Ang mahibilin bali na lang og $1,250 ang bulan. Mabuhi kaha ta niini? Hinuon, simple man kaayo, ug dili gastuso ang iyang lifestyle. Wala magpuyo sa hayahay unta nga presidential palace, kundili sa iyang farm house, nga maguwang lang og gamay sa payag nato dinhi.

Duha ra ka police officers (security) ang gi-assigned ngadto kaniya, ug usa ka iro. Ang iyang sakyanan, 1980 model nga Volkswagen (beetle). Gumikan sa pagka-popular sa maong Beetle, ang pagka-talagsaon nga sakyanan sa usa ka presidente, adunay mihagad nga paliton of $1-million (himuon nga collection) . Wala siya mosugot kay wala na konoy kasakyan ang iyang iro. Yano nga tubag.

Ang Uruguay anaa sa South America. Si Mujica namuoan gikan sa Marso 1, 2010 hangtud Marso 1, 2015. Ang atong kadagkuan sa gobiyerno, ma-elected man, ug otherwise, mosugot kaha nga pasakyon og Beetle?  Maka-uowaw no?

Unsa man nakapabantog sa gamay kaayo nasud sa Uruguay? Ania: “Known for its colonial-era historic districts in Colonia and Montevideo, amazing beaches on the Atlantic Coast, its socially progressive society, and beef production, Uruguay is a true gem among South American nations, as it boasts a level of stability that few countries on the continent can match.”

Duna silay mga beaches, progresibo nga katilingban, kusog nga beef production, stable sila didto, dili pareho nato dinhi nga wala gayud kita mahimutang sa husto, economically speaking, nga wala gayud kita makapa-P20 ang prisyo sa bugas.

Magpalain ta. Giingon dinhi nga ang labing malinis, labing limpiyo, cleanest nga nasud sa tibuok Asia, mao ang Singapore. Sa ato nang gibalikbalik dinhi, Ang Singapore, is clean, green, ug disciplined. Unya, mag-Singapore-like man kaha kita.

* * *

Nikalit man lang kini’g butho sa akong cellphone. Bahin sa mga ‘safest’ cities in the country: Nag-una ang Davao, gisundan sa Bohol, dayon, Baguio, Dumaguete, Iloilo, Makati, La Union, Palawan, Tagaytay, ug Valenzuela. Kining ato dinhi, nakamatikod tingali mo, nga medyo naglingaw-lingaw lamang kita sa atong mga gihisgutan dinhi, ug wala kita motandog sa politika. Dili lang ta mag-apil-apil sa mga political bickerings nila didto sa kaulohan.

Nakadani sa akong pagtagad kining kaugmaran karon sa lalawigan sa Bohol. Matud pa, ang ilang ekonomiya miusbaw og 7.1%, gumikan sa turismo. Sa unang lima ka bulan, ang ilang tourist arrivals misaka og 129%. Ang Sandugo Trade Exposition, mi-kita’ og P26 million. Ug sa ila unyang annual business conference, mga 250 ka ka negosyante sa Visayas ang gipaabot nga motambong niini.