Gipadakop tungod sa paggamit og cellphone samtang nag drive

Dear Atty. Divine,

Niadtong miaging adlaw, gidakop ko og gi isyuhan og violation ticket for  distracted driving daw tungod sa akong paggamit og cellphone. Tinuod nga akong gitubag ang tawag sa akong mama but at that time naatul nga anaa ko sa stop light busa wa magdagan ang sakyanan. Apan bisan pa niini, gi-isyuhan gyud ko og ticket ug kinahanglan ko nga mobayad sa multa. Ang akong pangutana kun legal ba ang iyang pag issue nako og violation ticket? Daghang Salamat.

Jimmy

* * *

Dear Jimmy,

Aduna tay balaod nga gitawag og Anti-Distracted Driving Act kon Republic Act 10913 nga naglatid sa mga lagda sa Distracted Driving. Basi sa Section 4 sa maong balaod, kini nagkanayon nga “distracted driving refers to the performance by a motorist of any of the following acts in a motor vehicle in motion or temporarily stopped at a red light, whether diplomatic, public or private, which are hereby declared unlawful.”

Ug apil sa prohibited acts sa maong balaod ang paggamit og mobile communication device to write, send, or read a text or to make or receive calls and other similar acts. Busa klaro sa maong balaod nga bisan kun anaa ka sa stoplight kun ikaw ang nagmaneho sa sakyanan, violation gyud niini ang paggamit og cellular phone. Busa ang gihimo sa traffic enforcer pagdakop og pag issue kanimo og violation ticket adunay legal nga basihanan. Thank you and God Bless.

Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.